அப்படீங்களா!

புதிய பயனாளர்களைக்  கவர புதிய சேவைகளை வாட்ஸ் ஆஃப் அவ்வப்போது அறிமுகம் செய்து வருகிறது. 

புதிய கைப்பேசி,  கணினியில் வாட்ஸ் ஆஃப் கணக்கில் நுழைய,  தற்போது ஒடிபி அல்லது 6 இலக்க எண்ணைப் பதிவிட வேண்டும்.  வாட்ஸ் ஆஃப் பயனாளர்களின் தகவல்களைப் பாதுகாப்பாக வைக்க,  இந்த 2 வகை பாதுகாப்பை அந்த நிறுவனம் வழங்கி வருகிறது.  இதற்கு மாற்றாக புதிய பாஸ்கோட் என்ற சேவையை வாட்ஸ்  ஆஃப் அறிமுகம் செய்து வருகிறது. 

மைக்ரோசாப்ட், கூகுள், ஆப்பிள் உள்ளிட்ட பெரு நிறுவனங்களும் பாஸ்கோடுக்கு மாறி வருகின்றன. பாடஸ்கோட் மூலம் கைப்பேசியில் உள்ள கைரேகைப் பதிவு, முகப்பதிவு ஆகியவற்றை வைத்து வாட்ஸ் ஆஃப் கணக்கை அங்கீகரித்து உள்ளே நுழையலாம்.

கைப்பேசியில் உள்ளே நுழைய பயன்படுத்தப்படும் கைரேகை, முகப் பதிவை வைத்தே வாட்ஸ் ஆஃப் கணக்கையும் அங்கீகரிக்கலாம் என்பது இதன் சிறப்பு அம்சமாகும். புதிய கைப்பேசி, கணினியில் வாட்ஸ் ஆஃப் கணக்கில் நுழைய கைரேகை, முகப் பதிவைப் பயன்படுத்தலாம். இந்தச் சேவையை வாட்ஸ்ஆஃப் விரைவில் அறிமுகம் செய்ய உள்ளது. 

-அ.சர்ப்ராஸ்