நொச்சியின் மருத்துவ குணங்கள்!

நொச்சியில் 32 வகைகள் உள்ளன. இதில் மூன்று வகை குறிப்பிடத்தக்கவை: அவை, வெண்நொச்சி, கரு நொச்சி, நீர் நொச்சி ஆகும். உயிர் காக்கும் மூன்று முக்கிய மூலிகையில் நொச்சியும் ஒன்றாகும் என்று சித்த வைத்திய நூல்கள் கூறுகின்றன.

கசப்பு, துவர்ப்பு மற்றும் காரச்சுவை கொண்ட நொச்சி 360 வகையான நோய்களை குணமாக்கும்
தன்மைக் கொண்டது.

நொச்சி இலைகளை சுடுநீரில் போட்டு குளித்தால் உடலில் உண்டாகும் வலி, தசைப்பிடிப்பு, கீல்வாதம், முக வாதம், உடல் சோர்வு நீங்கி உற்சாகம் பிறக்கும்.

நொச்சி இலையால் ஆவி பிடித்தால் சுவாசக் கோளாறுகள் நீங்கும். ஜலதோசம், மூக்கடைப்பு, சைனஸ், தலைவலி, இரைப்பு நோய், ஒற்றைத் தலைவலி, நீர்க்கோர்வை யாவும் நீங்கும்.

நொச்சி இலையை மிளகு, பூண்டு சேர்த்து மென்று தின்றால் ஆரம்பகால ஆஸ்துமா பிரச்னை சரியாகும்.

நொச்சி இலைச்சாறு மூட்டுவலியை குணப்படுத்தும். புண்களை ஆற்றும்.

உடலில் கட்டி, வீக்கம் இருப்பவர்கள் நொச்சி இலைகளை வதக்கி அந்த இடத்தில் கட்ட குணமாகும்.

மாதவிடாய் கோளாறுகளை சரி செய்வதில் இதன் பங்கு அதிகம்.

நொச்சியின் வேருக்கு பாம்பின் விஷத்தை முறிக்கும் ஆற்றல் உண்டு.

கருநொச்சி இலைச்சாறு சீதபேதி உடல் பலவீனம், குடல் வலி, கணைய வீக்கம், பசியின்மை, குடல் பூச்சி, செரிமானப் பிரச்னை, நரம்பு வலி, மந்தமாகச் செயல்
படும் ஈரல் போன்றவற்றை சரி செய்கிறது.

கருநொச்சி தைலம் ஜுரம், வாய்குழறுதல், மார்புச்சளி, நீரிழிவு நோய், தலைபாரம், கண்டமாலை கை கால் கணுக்களின் வீக்கங்களுக்கு அருமருந்தாகிறது.