1. அடி மேல் அடி வாங்குவான்...
 ஆனால்
 அனைவரையும் தலையாட்ட வைப்பான்...
 இவன் யார்?
 2. அடித்து நொறுக்கி அனலில் போட்டால்
 ஆவியாகத் தோன்றி
 கமகமக்கும்...
 இது என்ன?
 3. அச்சு இல்லாத சக்கரம்... அழகு கூட்டும் சக்கரம்... இது என்ன?
 4. அறிவின் மறுபெயர்... இரவில் வருவது...
 இது என்ன?
 5. தாழ்ப்பாள் இல்லாத கதவு... தானாக மூடித்
 திறக்கும் கதவு...
 இது என்ன?
 6. வெள்ளிக் கிண்ணத்திற்குள் கிடக்குது தங்கக் காசு... இது என்ன?
 7. டாக்டரு வந்தாரு... ஊசி போட்டாரு... காசு வாங்காமப் போனாரு... யார் இந்த டாக்டர்?
 8. உயிர் இல்லாத நீதிபதியிடம்,
 ஒழுங்கான நியாயம்...
 இது என்ன?
 9. இரு கொம்புகள் உண்டு, மாடு அல்ல... வேகமாக ஓடும் மான் அல்ல...
 இது என்ன?


விடைகள்:
 1. மிருதங்கம்
 2. சாம்பிராணி
 3. வளையல்
 4. மதி (நிலா)
 5. கண் இமை
 6. முட்டை
 7. கொசு
 8. தராசு
 9. சைக்கிள்