நல்ல பிள்னை என்ற பெயரை
    நாளும் வாங்கணும்; - நீ
நாளுக்குநாள் நன்றாய்க் கற்று
    அறிஞனாகணும்!

தூய்மையிலே உடல் உடையைத்
     துலக்கி வைக்கணும்; - நீ
தொண்டுசெய்து மற்றவர்க்குத்
    துணையிருக்கணும்!

அன்பு பற்றுப் பாசத்திலே 
    ஆளாய் வளரணும்;-நீ
நீதி நேர்மை நியாயமெல்லாம்
    நிலைக்க உழைக்கணும்!

பெரியோர்க்கு மரியாதை
    கொடுத்து வணங்கணும்; - நீ
பெற்றோரே தெய்வமென்றுத் 
    தினமும் வணங்கணும்!

உயர்ந்தவரை, படித்தவரை
    நட்பு கொள்ளணும்; - நீ
ஊரை ஏய்க்கும் மனிதரிடம்
    ஒதுங்கி வாழணும்!

ஊருக்கெல்லாம் எடுத்துக் காட்டும்
    வகையில் வாழணும்; - நீ
வாழ்ந்தாலும் வீழ்ந்தாலும்
    புகழை அள்ளணும்!