நிகண்டுகள் என்பவை இன்றைய அகராதி போன்றவை. ஒரு பொருளுக்குப் பல சொற்களும், ஒரு சொல் பல பொருளும் செய்யுளாக இவற்றில் கொடுக்கப்பட்டிருக்கும்.

திவாகர நிகண்டு: காலம் 8-ஆம் நூற்றாண்டு. இதை இயற்றியவர் திவாகர முனிவர். இது 10 தொகுதிகளையும், 9500 சொற்களையும் உடையது. சேந்தன் ஆதரவில் வாழ்ந்தவர் திவாகரன். இதனால் இது சேந்தன் திவாகர நிகண்டு என்றும் அழைக்கப்படுகிறது.

பிங்கல நிகண்டு: இதன் ஆசிரியர் பிங்கல முனிவர். திவாகர முனிவரின் மகன். இந்நிகண்டு 10 தொகுதிகளையும் 15791 சொற்களையும் உடையது.

உரிச்சொல் நிகண்டு: இதன் ஆசிரியர் காங்கேயர். காலம் 14-ஆம் நூற்றாண்டு. 12 தொகுதிகளையும் 3200 சொற்களையும் உடையது.

சூடாமணி நிகண்டு: இதன் ஆசிரியர் மண்டல புருடர். (வீரமண்டல புருடர் என்றும் அழைக்கப்படுவார்). இதன் காலம்

16-ஆம் நூற்றாண்டு. இது 12 தொகுதிகளை உடையது. 1197 சூத்திரங்களில் 11,000 சொற்களை உடையது.