சிரியாவில் இஸ்லாமிய தேச (ஐ.எஸ்.) தொடர்பு பயங்கரவாதிகளுக்கும், கிளர்ச்சிப் படையினருக்கும் கடந்த 3 நாள்களாக நடந்து வரும் சண்டையில் 132 பேர் உயிரிழந்ததாக சிரியா மனித உரிமைகள் கண்காணிப்பு அமைப்பு தெரிவித்துள்ளது.
சிரியாவின் தெற்குப் பகுதியில், ஜோர்டானையொட்டி அமைந்துள்ள தாரா மாகாணத்தில் ஐ.எஸ்.ஸூடன் தொடர்புடைய காலித் பென் அல்-வாலித் பயங்கரவாத அமைப்பினருக்கும், ஆஹ்ரார் அல்-ஷாம் கிளர்ச்சி அமைப்பினருக்கும் இடையே கடந்த சில நாள்களாகவே கடும் சண்டை நடைபெற்று வருவதாக அந்த அமைப்பு கூறியுள்ளது.