ரஷியாவில் மேலும் 4,676 பேருக்கு கரோனா தொற்று உறுதியானதை அடுத்து மொத்த பாதிப்பு 9,70,865 ஆக அதிகரித்துள்ளது. 

ரஷியாவில் கடந்த 24 மணி நேரத்தில் ஏற்பட்ட கரோனா பாதிப்பு விவரங்களை அந்நாட்டு சுகாதார அமைப்பு வெளியிட்டுள்ளது. அதன்படி, நாட்டில் புதிதாக 4,676 பேருக்கு தொற்று இருப்பது உறுதி ஆகியுள்ளது. இதையடுத்து, அந்நாட்டில் மொத்த பாதிப்பு 9,70,865 ஆக அதிகரித்துள்ளது.

மேலும், கடந்த 24 மணி நேரத்தில் 115 பேர் உள்பட இதுவரை 16,683 பேர் உயிரிழந்துள்ளனர். அதேநேரத்தில் 7,86,150 பேர் முழுமையாக சிகிச்சை பெற்று குணமடைந்துள்ளனர்.

உலக அளவில் கரோனா வைரஸ் தொற்று அதிகம் பாதிக்கப்பட்ட நாடுகளில் ரஷியா 4 ஆம் இடத்தில் உள்ளது குறிப்பிடத்தக்கது.