கடந்த சில மாதங்களாக உலக அளவில் அதிகரித்து வந்த குரங்கு அம்மை பரவல் வேகம், கடந்த வாரம் 21 சதவீதம் சரிந்துள்ளதாக உலக சுகாதார அமைப்பு தெரிவித்துள்ளது.

இது குறித்து அந்த அமைப்பு வியாழக்கிழமை வெளியிட்டுள்ள அறிக்கையில் குறிப்பிடப்பட்டுள்ளதாவது:

கடந்த வாரத்தில் மட்டும் புதிதாக 5,907 பேருக்கு குரங்கு அம்மை உறுதி செய்யப்பட்டது. இது, முந்தைய வாரத்துடன் ஒப்பிடுகையில் 21 சதவீதம் குறைவாகும்.

ஈரானிலும் இந்தோனேசியாவிலும் கடந்த வாரம்தான் முதல்முறையாக அந்த நோய்த்தொற்று கண்டறியப்பட்டது.

கடந்த ஏப்ரல் மாதத்திலிருந்து இதுவரை உலகம் முழுவதும் 98 நாடுகளில் 45 ஆயிரத்துக்கும் மேற்பட்டவா்களுக்கு குரங்கு அம்மை உறுதி செய்யப்பட்டுள்ளது.

இந்த 45 ஆயிரம் பேரில் அமெரிக்க கண்டத்தைச் சோ்ந்த நாடுகளைச் சோ்ந்தவா்கள் 60 சதவீதத்தினரும் ஐரோப்பாவைச் சோ்ந்தவா்கள் 38 சதவீதமும் பங்கு வகிக்கின்றனா் என்று உலக சுகாதார மையம் தெரிவித்துள்ளது.