நடிகை அசினுக்குப் பெண் குழந்தை பிறந்தது!

பிரபல நடிகை அசினுக்குப் பெண் குழந்தை பிறந்துள்ளது.

மைக்ரோமேக்ஸ் செல்போன் நிறுவனத்தின் இணை நிறுவனர் ராகுல் சர்மாவும் (37) நடிகை அசினும் (30) கடந்த சில வருடங்களாகக் காதலித்து வந்தார்கள். இதனையடுத்து கடந்த வருடம் ஜனவரி 19-ம் தேதி அன்று இருவருக்கும் தில்லியில் கிறிஸ்தவ மற்றும் ஹிந்து முறைப்படி திருமணம் நடைபெற்றது. பிறகு, படங்களில் நடிக்கப்போவதில்லை என்று ஓர் அறிக்கையில் அசின் தெரிவித்தார். 

இந்நிலையில் அசினுக்கு மகள் பிறந்திருப்பதாக ராகுல் சர்மா ட்விட்டரில் தகவல் தெரிவித்துள்ளார். எங்கள் இருவருக்கும் கடந்த 9 மாதங்களும் சிறப்பான தருணங்கள் ஆகும். எங்கள் மீது அன்பு செலுத்திய அனைவரும் நன்றி என்று அவர் கூறியுள்ளார். 

நடிகர் அக்‌ஷய் குமார், மருத்துவமனைக்கு நேரில் சென்று அசின் - ராகுல் சர்மா தம்பதிக்கு வாழ்த்துகளைத் தெரிவித்துள்ளார். குழந்தையைக் கையில் ஏந்திக்கொண்டு எடுத்த புகைப்படத்தை அவர் ட்விட்டரில் வெளியிட்டுள்ளார்.