ஒரு பேரரசை மீண்டும் உருவாக்குவோம்! 

கடந்த ஆண்டு வெளியான கேஜிஎஃப் 1 மிகப் பெரிய வெற்றிப் படமாக அமைந்தது. படம் வெளியாகி கிட்டத்தட்ட ஓராண்டுக்குப் பின் இப்படத்தின் தயாரிப்பாளர்களான ஹோம்பலே பிலிம்ஸ், இதன் இரண்டாம் பாகத்தின் முதல் போஸ்டரை அண்மையில் வெளியிட்டது.

படத்தின் முதல் பகுதியில் நடிகர் யஷ் கருடாவை வீழ்த்தி கே.ஜி.எஃப்-பின் தலைவரானது போல முடிவடைந்தது ரசிகர்களுக்கு நினைவிருக்கலாம். இந்த போஸ்டரில் அவர் பெல் பாட்டம் உடையணிந்து சுரங்கத் தொழிலாளர்களுடன் இணைந்து 'ஒரு பேரரசை மீண்டும் உருவாக்குவோம்' என்று எழுதப்பட்ட வாசகங்களுடன் காட்சியளிக்கிறார்.

இரண்டாம் பாகத்தில் அதீரா என்ற மர்மமான கதாபாத்திரத்தில் சஞ்சய் தத் நடிக்கிறார், முன்னாள் பிரதமர் இந்திரா காந்தியாக சித்திரிக்கப்பட்ட ஒரு கதாபாத்திரத்தில் பாலிவுட் நடிகை ரவீனா டாண்டன் நடிகிறார்.

பிரசாந்த் நீல் இயக்கும், கேஜிஎஃப்  2 படத்துக்கு ரவி பஸ்ரூரின் இசையையும், புவன் கவுடாவின் ஒளிப்பதிவையும் செய்கிறார்கள். இந்தப் படம் அடுத்த ஆண்டு கோடையில் திரைக்கு வரும் என்று எதிர்பார்க்கப்படுகிறது.