விஜய் நடிக்கும் பீஸ்ட்: 2-வது போஸ்டர் வெளியீடு

ரசிகர்கள் உற்சாகமாக இரு போஸ்டர்களையும் சமூகவலைத்தளங்களில் பகிர்ந்து வருகிறார்கள்.

Updated On :22 ஜூன் 2021, 4:47 am

நெல்சன் இயக்கத்தில் விஜய் நடிக்கும் படத்துக்கு பீஸ்ட் எனப் பெயரிடப்பட்டுள்ளது. இப்படத்துக்கான இரு போஸ்டர்கள் வெளியிடப்பட்டுள்ளன.

மாஸ்டர் படத்துக்கு அடுத்ததாக சன் பிக்சர்ஸ் தயாரிப்பில் நெல்சன் இயக்கத்தில் நடித்து வருகிறார் விஜய். இது அவருடைய 65-வது படம். ஒளிப்பதிவு - மனோஜ் பரமஹம்சா. இசை - அனிருத். இப்படத்தின் கதாநாயகியாக பிரபல நடிகை பூஜா ஹெக்டே தேர்வாகியுள்ளார். பூஜா ஹெக்டே, 2012-ல் மிஷ்கின் இயக்கிய முகமூடி படத்தின் மூலம் கதாநாயகியாக அறிமுகமானார். இதன்பிறகு ஏராளமான தெலுங்குப் படங்களிலும் சில ஹிந்திப் படங்களிலும் நடித்துள்ளார். விஜய் 65 படத்தின் முதற்கட்ட படப்பிடிப்பு ஜார்ஜியாவில் நடைபெற்றது.

விஜய் - நெல்சன் கூட்டணியில் உருவாகும் படத்துக்கு பீஸ்ட் எனப் பெயரிடப்பட்டுள்ளது.

இன்று தனது 47-வது பிறந்த நாளைக் கொண்டாடுகிறார் விஜய். இதையொட்டி விஜய் 65 படத்தின் முதல் பார்வை போஸ்டர் நேற்று மாலை வெளியிடப்பட்டது. இதன்பிறகு மற்றொரு போஸ்டரும் வெளியிடப்பட்டதால் ரசிகர்கள் உற்சாகமாக இரு போஸ்டர்களையும் சமூகவலைத்தளங்களில் பகிர்ந்து வருகிறார்கள்.