பாண்டியன் ஸ்டோர் தொடரில் முல்லையாக நடிக்கும் காவ்யா, நடிகர் பரத் படத்தில் முக்கிய வேடத்தில் நடிக்கிறார்.
விஜய் டிவியில் ஒளிபரப்பாகும் பாண்டியன் ஸ்டோர்ஸ் தொடரானது, ரசிகர்கள் விரும்பி பார்க்கும் தொடர்களில் மிக முக்கியமானது. இந்த தொடரில் கதாநாயகியாக நடித்திருந்த சித்ரா தற்கொலை செய்துகொண்ட சம்பவம் ரசிகர்களை மிகுந்த சோகத்தில் ஆழ்த்தியது.
4 அண்ணன், தம்பிகளுக்கு இடையே நடக்கும் பாசப்போராட்டம் தான் இந்தத் தொடரின் கதை. நாளுக்கு நாள் புதிய திருப்பங்கள், உணர்ச்சி மிகுந்த காட்சிகள் என இந்தத் தொடர் ரசிகர்களைப் பெரிதும் கவர்ந்து வருகிறது. இந்தத் தொடரில் நடிக்கும் நடிகர் நடிகைகளுக்கு சமூக வலைதளங்களில் புதிய பக்கங்களை உருவாக்கி கொண்டாடி வருகின்றனர்.
இந்த நிலையில் இந்தத் தொடரில் முல்லையாக நடிக்கும் காவ்யா, பரத் கதாநாயகனாக நடிக்கும் படத்தில் முக்கிய வேடத்தில் நடிக்கிறார். இந்தப் படத்தில் வாணி போஜன் கதாநாயகியாக நடிக்கிறார்.
இன்னும் பெயரிடப்படாத இந்தப் படத்தை ஆக்ஸெஸ் ஃபிலிம் ஃபேக்டரி நிறுவனம் தயாரிக்கிறது. இந்தப் படத்தின் படப்பிடிப்பு நிறைவடைந்துவிட்டதாக நடிகர் பரத் தனது இன்ஸ்டாகிராம் பக்கத்தில் அறிவித்துள்ளார்.