கார்த்தி நடிப்பில் வெளியான கைதி திரைப்படம் ரஷியாவில் இன்று வெளியானதாக அப்படத்தின் தயாரிப்பாளர் தெரிவித்துள்ளார்.
லோகேஷ் கனகராஜ் இயக்கத்தில் நடிகர்கள் கார்த்தி, நரேன், அர்ஜுன் தாஸ் உள்ளிட்டோர் நடிப்பில் கடந்த 2019 ஆம் ஆண்டு தீபாவளியை முன்னிட்டு வெளியாகி மாபெரும் வெற்றியைப் பெற்ற திரைப்படம ‘கைதி’.
இந்தப் படம் ஹிந்தியில் அஜய் தேவ்கன் நடிப்பில் ‘போலா’ என்ற பெயரில் ரீமேக்காகி வருகிறது. தமிழில் கைதி படத்தை தயாரித்த டிரீம் வாரியர்ஸ் பிக்சர்ஸ் நிறுவனம், அஜய் தேவ்கன் ஃபிலிம்ஸ் உடன் இணைந்து தயாரிக்கிறது. இந்தப் படத்தை தர்மேந்திரா சர்மா இயக்குகிறார்.
இந்நிலையில், கைதி திரைப்படம் ரஷியாவில் இன்று வெளியாகியுள்ளது. அங்குள்ள 121 நகரங்களில் 297 திரைகளில் இப்படம் வெளியாகும் என படத்தின் தயாரிப்பாளர் டிரீம் வாரியர்ஸ் பிக்சர்ஸ் நிறுவனர் எஸ்.ஆர்.பிரபு தெரிவித்துள்ளார்.