கேப்டன் மில்லரில் தனுஷுடன் இணையும் நடிகர் சந்தீப் கிஷன்

அருண் மாதேஸ்வரன் இயக்கத்தில் நடிகர் தனுஷ் நடிக்கும் கேப்டன் மில்லர் படத்தில் மாநகரம் திரைப்படத்தின் கதாநாயகன் சந்தீப் கிஷன் இணைந்துள்ளதாக படக்குழு தெரிவித்துள்ளது. 

இயக்குநர் அருண் மாதேஸ்வரன் இயக்கத்தில் நடிகர் தனுஷ் நடிக்கும் திரைப்படம் கேப்டன் மில்லர். நடிகை கீர்த்தி சுரேஷ் நடித்த சாணிக் காயிதம் திரைப்படத்திற்குப் பிறகு இயக்குநர் அருண் மாதேஸ்வரன் இயக்கும் இந்தப் படத்தின் மீதான எதிர்பார்ப்பு அதிகரித்துள்ளது.

இதையும் படிக்க | நான் மிருகமாய் மாற: ரிலீஸ் குறித்த அறிவிப்பு வெளியானது! 

இந்தப் படத்திற்கு இசையமைப்பாளர் ஜி.வி.பிரகாஷ் இசையமைக்க உள்ளதாக தகவல் வெளியான நிலையில் நடிகர் சந்தீப் கிஷன் இந்தப் படத்தில் இணைந்துள்ளதாக படக்குழு சனிக்கிழமை அறிவித்துள்ளது.

இதுதொடர்பான அறிவிப்பை படத்தின் தயாரிப்பு நிறுவனமான சத்யஜோதி பிலிம்ஸ் வெளியிட்டுள்ளது.