இந்த வாரம் திரையரங்குகள் மற்றும் ஓடிடியில் எந்தெந்த திரைப்படங்கள் வெளியாகவுள்ளன என்பதைக் காணலாம்.
கண்ணகி
கண்ணகி படத்தில் நடிகைகள் அம்மு அபிராமி, வித்யா பிரதீப், ஷாலினி ஜோயா, கீர்த்தி பாண்டியன் ஆகியோர் நடித்துள்ளார்கள். நான்கு பெண்கள், நான்கு சூழ்நிலைகளை மையமாக கொண்டு இந்தப் படம் உருவாகியுள்ளது. இப்படம் டிச.15ஆம் நாள் திரையரங்குகளில் வெளியாகிறது.
ஆலம்பனா
வைபவ் நாயகனாக நடித்துள்ள ஆலம்பனா திரைப்படம் டிச. 15ல் திரையரங்குகளில் வெளியாகிறது. இப்படத்தின் நாயகியாக பார்வதி நாயர் நடித்துள்ளார். பாரி கே விஜய் இப்படத்தை இயக்கியுள்ளார்.
ஃபைட் கிளப்
நடிகரும் இயக்குநருமான உறியடி விஜய் குமார் நடிக்கும் புதிய படம் 'ஃபைட் கிளப்'. அப்பாஸ் ரஹ்மத் இயக்கியுள்ள இந்த படத்தை லோகேஷ் கனகராஜ் தனது 'ஜி ஸ்குவாட்' நிறுவனம் மூலம் வெளியிடுகிறார். இப்படம் டிச.15 ஆம் தேதி திரையரங்குகளில் வெளியாகிறது.
தீதும் சூதும் எந்தன் முகவரி
இயக்குநர் ஜித்தா மோகன் இயக்கத்தில் ஸ்ரீகுமார் ஜெய், அங்கன ஆர்யா முக்கிய கதாபாத்திரத்தில் நடித்திருக்கும் திரைப்படம் தீதும் சூதும் எந்தன் முகவரி. இப்படம் நாளை(டிச. 15) திரையரங்குகளில் வெளியாகிறது.
இந்த வாரம் ஓடிடி
சந்தனக் கடத்தல் வீரப்பன் குறித்த ‘கூச முனுசாமி வீரப்பன்’ என்கிற புதிய ஆவணப்படம் வெளியாகியுள்ளது. ஜீ5 ஓடிடி தளத்தில் இந்த ஆவணப்படம் இன்று வெளியாகியுள்ளது.
இதையும் படிக்க: பாஜக மாநிலத் துணைத் தலைவராக நடிகர் தேவன் நியமனம்!
ஆங்கில மொழி வெப் தொடரான தி க்ரோன் சீசன் 6 பாகம் 2 டிச.14-ல் நெட்பிளிக்ஸிலும், ரீச்சர் சீசன் 2 டிச. 15-ல் அமேசான் ப்ரைமிலும் வெளியாகிறது.