பிரேம்ஜியின் சத்தியசோதனை படத்தின் வெளியீட்டுத் தேதி அறிவிப்பு!

பிரேம்ஜியின் சத்தியசோதனை படத்தின் வெளியீட்டுத் தேதி குறித்த அறிவிப்பு வெளியாகியுள்ளது.

பிரேம்ஜி நடிப்பில் சுரேஷ் சங்கையா இயக்கத்தில் உருவாகியுள்ள படம் சத்தியசோதனை. சுரேஷ் சங்கையா ஒரு கிடாயின் கருணை மனு படத்துக்குப் பிறகு சத்தியசோதனை படத்தை இயக்கியுள்ளார்.

இந்த படத்தில் பிரேம்ஜியுடன் பிக்பாஸ் ரேஷ்மா, ஸ்வயம் சித்தா, ஞானசம்பந்தம் உள்ளிட்ட பலர் நடித்துள்ளனர். படத்தின் முக்கிய கதாபாத்திரத்தில் லட்சுமி பாட்டி நடித்துள்ளார். சமூகத்தில் நடக்கும் நிகழ்வுகளை நகைச்சுவைக் கலந்து இப்படத்தை எடுத்துள்ளனர்.

இப்படத்தை சமீர் பரத் ராம் தயாரித்துள்ளார். ஆர்.பி. சரண் இந்தப் படத்துக்கு ஒளிப்பதிவு செய்துள்ளார். மேலும், ரகுராம் இப்படத்துக்கு இசை அமைத்துள்ளார். சமீபத்தில், சத்தியசோதனை படத்தின் டீசர் வெளியாகி நல்ல வரவேற்பை பெற்றது.

இதையும் படிக்க: ஸ்ரீவில்லிபுத்தூர் பெரியாழ்வார் ஆனி சுவாதி உற்சவ செப்பு தேரோட்டம்!

இந்நிலையில், இப்படம் ஜூலை 21 ஆம் தேதி வெளியாகவுள்ளதாக படக்குழு அதிகாரப்பூர்வமாக தெரிவித்துள்ளது.