தமிழில் தனித்துவமான இயக்குநர் சீனு ராமசாமி. 2010இல் இவர் இயக்கிய தென்மேற்குப் பருவக்காற்று திரைப்படம் தேசிய விருது வென்றது குறிப்பிடத்தக்கது.
நீர்ப்பறவை, கண்ணே கலைமானே, தர்மதுரை, மாமனிதன் படங்களை இயக்கியுள்ளார். அடிதடி கமர்ஷியல் சினிமாவுக்குள் சிக்கிக் கொள்ளாமல் மனித உணர்வுகளை பிரதானமாக்கி படங்களை இயக்குவதில் ஆர்வம் உடையவர் சீனு ராமசாமி.
இதையும் படிக்க: நன்றி பொண்டாட்டி: நடிகர் சூர்யாவின் வைரல் பதிவு!
இவர் இயக்கிய இடம் பொருள் ஏவல் படம் இன்னும் வெளியாகாமல் இருப்பது குறிப்பிடத்தக்கது.
இந்நிலையில் ஆர்.விஜய் கார்த்திக் இயக்கும் ‘ஈக்வாலிட்டி’ படத்தில் நாயகனாக நடிக்கிறார். எஸ். தங்கராஜ் இந்தப் படத்தினை தயாரிக்கிறார். இந்தப் படத்தின் முதல் பார்வை போஸ்டரை வெளியிட்டு சீனு ராமசாமி நெகிழ்ச்சியாக பதிவிட்டுள்ளார்.
இதையும் படிக்க: இயக்குநர்களின் பாராட்டு மழையில் ஜிகர்தண்டா!
அந்தப் பதிவில், “நான் முழுமையான நடிகனில்லை. ஆனால் கற்றுக் கொண்டிருக்கிறேன். இதில் நடிகனாக என்னை முன்னேற்றிக் கொள்வேனா தெரியவில்லை. நமது சினிமாவில் எவ்வளவு அற்புதமான நடிகர்கள், நடிகைகள் இருக்கிறார்கள் எனத் தெரியும். இயக்குநர் எனக்கு நம்பிக்கையளித்தால் நடிக்கிறேன்” எனக் கூறியுள்ளார்.
அவர் இயக்கிய தர்மதுரை படத்தில் சிறிய கதாபாத்திரத்தில் சீனு ராமசாமி நடித்திருப்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.