மலையாளத்தில் கலைபடங்கள், வித்தியாசமான படங்கள் மூலம் கவனம் பெற்ற இயக்குநர் லிஜோ ஜோஸ் பெல்லிஸரி. இவரது ஜல்லிக்கட்டு படம் இந்தியாவின் சார்பாக ஆஸ்கருக்கு அனுப்பப்பட்டது குறிப்பிடத்தக்கது.
இந்தப் படத்திற்கு ‘மலைக்கோட்டை வாலிபன்’ எனப் பெயரிடப்பட்டுள்ளது. தேசிய விருது பெற்ற ஒளிப்பதிவாளர் மதுநீலகண்டன் இந்தப் படத்தில் இணைந்துள்ளார். பிரசாந்த் பிள்ளை இசையமைக்கிறார். தீபு ஜோசப் எடிட்டிங் செய்கிறார். தேசிய விருது பெற்ற ஆடை வடிவமைப்பாளர் சுஜித் சுதாகரன் இந்தப் படத்துக்கு காஷ்டியூம் டிசைனராக பணியாற்றி உள்ளார்.
இதையும் படிக்க: எஸ்.ஜே. சூர்யாவுக்கு ஓசிடி எனும் மன நோய் உள்ளது: விஷால்!
இந்தப் படத்தில் நடிகர் கமல்ஹாசனை நடிக்க வைக்க படக்குழு திட்டமிட்டுள்ளதாக தகவல் வெளியாகியது. ராஜஸ்தானில் பிரமாண்டமாக படப்பிடிப்பு நடைபெற்றதாகவும் சில புகைப்படங்களை சமீபத்தில் பார்க்க முடிந்தது. 130 நாள்கள் நடைபெற்ற படப்பிடிப்பு முடிவடைந்துள்ள நிலையில் படத்தின் போஸ்ட் புரடக்ஷன் பணிகள் நடைபெற்று வருகிறது.
இதையும் படிக்க: வெளியானது உபேந்திராவின் வித்தியாசமான புதிய பட டீசர்!
இந்நிலையில் மலைக்கோட்டை வாலிபன் படத்தின் முதல் தோற்றப் பார்வை போஸ்டர் வெளியாகியுள்ளது. தமிழ், மலையாளம், தெலுங்கு, கன்னடம், ஹிந்தி ஆகிய மொழிகளில் வெளியாகியுள்ளது.
அடுத்தாண்டு ஜனவரி 25ஆம் தேதி பான் இந்தியப் படமாக வெளியாகுமெனவும் போஸ்டரில் குறிப்பிடப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.