பிக்பாஸ் நிகழ்ச்சியின் புதிய தொகுப்பாளர் யார் என்கிற ஆவல் எழுந்துள்ளது.
உலகளவில் பிரபலமான பிக்பாஸ் நிகழ்ச்சி, இந்திய மொழிகளிலும் நடைபெற்று வருகிறது. தமிழில் பிரபல தொலைக்காட்சியில் 2016 ஆம் ஆண்டு முதல் ஒளிபரப்பாகி வந்த பிக்பாஸ் நிகழ்ச்சியை நடிகர் கமல்ஹாசன் தொகுத்து வழங்கி வந்தார்.
வெறும் பொழுதுபோக்கு அம்சத்திற்காக இல்லாமல் பல சினிமா அனுபவங்களையும் புத்தகங்களையும் தொடர்ந்து அறிமுகப்படுத்தினார்.
இந்த நிலையில், தொகுப்பாளராக கடந்த 7 ஆண்டுகளாக பொறுப்பு வகித்த பிக்பாஸ் நிகழ்ச்சியிலிருந்து தற்காலிகமாக விலகுவதாக கமல்ஹாசன் அறிவித்துள்ளார்.
இதனால், பிக்பாஸ் ரசிகர்கள் அதிர்ச்சியடைந்துள்ளனர். வயதிலும் அனுபவத்திலும் மூத்தவரான கமல்ஹாசனின் கருத்துகள் மேல் ரசிகர்களுக்கு நம்பிக்கை இருந்தது. தற்போது, அவர் விலகியதால், அடுத்த பிக்பாஸ் சீசன் தொகுப்பாளர் யார் என்கிற கேள்வி எழுந்துள்ளது.
இதற்கு முன்பு, நடிகர் கமல்ஹாசன் ஓய்விலிருந்தபோது சில வாரங்கள் நடிகை ரம்யா கிருஷ்ணன் மற்றும் நடிகர் சிம்பு ஆகியோர் தொகுப்பாளராகக் கலந்துகொண்டனர். இந்த இருவரில் யாராவது ஒருவர் பிக்பாஸ் - 8 சீசனின் தொகுப்பாளராக இருக்கலாம் என்றே எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.