நடிகர் அக்‌ஷய் குமாருக்கு கரோனா...!

பாலிவுட் திரையுலகில் முன்னணி நடிகர்களில் ஒருவராக இருப்பவர் அக்‌ஷய் குமார். 56 வயதாகும் இவர், தமிழில் ரஜினியுடனான 2.0 திரைப்படத்தில் நடித்திருந்தார். 

சமீபத்தில் இவரின் நடிப்பில் வெளியான ஓஎம்ஜி -2 திரைப்படம் திரையரங்குகளில் வெளியாகி நல்ல வரவேற்பைப் பெற்றுள்ளது. இவர் கனடா நாட்டுரிமை கொண்டவர். சமீபத்தில் இந்திய குடியுரிமை கிடைத்தது குறிப்பிடத்தக்கது.

தற்போது தனது 150ஆவது படமான ’சர்ஃபிரா’ (sarfira) வெளியாகியுள்ளது.

தமிழில் சுதா கொங்கரா இயக்கத்தில் சூர்யா நடிப்பில் 2020ஆம் ஆண்டு நேரடியாக அமேசான் ப்ரைமில் வெளியாகி பெரும் வரவேற்பை பெற்ற படம் சூரரைப் போற்று படத்தின் ஹிந்தி ரீமேக் படமாக சர்ஃபியா உருவாகியுள்ளது.

இந்நிலையில் அக்‌ஷய் குமாருக்கு கரோனா தொற்று ஏற்பட்டுள்ளதாக தகவல் வெளியாகியுள்ளது. இதனால் தன்னை தனிமைப்படுத்திக் கொண்டு இருப்பதாகவும் ஆனந்த அம்பானி திருமணத்துக்கு செல்லவில்லை என்றும் தகவல்கள் தெரிவிக்கின்றன.