இயக்குநர் சிவா இயக்கத்தில் நடிகர் அஜித் வீரம் (2014), வேதாளம் (2015), விவேகம் (2017), விஸ்வாசம் (2019) ஆகிய படங்களில் நடித்துள்ளார்.
சூர்யாவை வைத்து இயக்குநர் சிவா இயக்கிய கங்குவா திரைப்படம் நேற்று வெளியானது.
கலவையான விமர்சனங்களைப் பெற்றாலும் இதன் இரண்டாம் பாகம் 2026இல் எடுக்கப்படுமென தயாரிப்பாளர் ஞானவேல் ராஜா கூறியுள்ளார்.
மேலும் தயாரிப்பாளர் ஞானவேல் ராஜா, “அடுத்ததாக கங்குவா 2 படம் அமையாது. அஜித்தின் அடுத்த படத்தினை சிவா இயக்கவுள்ளார். அந்தப் படம் முடிந்ததும் கங்குவா 2 படத்தை சிவா நிச்சயமாக இயக்குவார்” என்றார்.
சன் பிக்சர்ஸ் அஜித்தின் 64ஆவது படத்தை தயாரிக்க உள்ளதாகவும் 2025 இறுதிக்குள் இதன் படப்பிடிப்பு முடிவடையுமென தகவல்கள் தெரிவிக்கின்றன.
அஜித் -சிவா கூட்டணியில் இது 5ஆவது படமென்பது குறிப்பிடத்தக்கது.
நடிகர் அஜித் தற்போது விடாமுயற்சி, குட் பேட் அக்லி படங்களில் நடித்து வருகிறார். தனக்கு பிடித்த பைக் ரேஸிலும் அஜித் கலக்கி வருகிறார்.