அகண்டா - 2 வெளியீடு ஒத்திவைப்பு... பாலய்யா ரசிகர்கள் ஏமாற்றம்!

நடிகர் பாலகிருஷ்ணா நடிப்பில் உருவான அகண்டா - 2 திரைப்படத்தின் வெளியீடு ஒத்திவைக்கப்பட்டுள்ளது.

நடிகர் பாலகிருஷ்ணா - இயக்குநர் போயபதி ஸ்ரீனு கூட்டணியில் உருவான அகண்டா 2: தாண்டவம் திரைப்படம் இன்று உலகம் முழுவதும் திரையரங்குகளில் வெளியாக இருந்தது.

ஆனால், இறுதிநேர குழப்பங்களால் இன்று வெளியாகாது என்றும் வெளியீட்டுத் தேதி ஒத்திவைக்கப்படுவதாகவும் அறிவிக்கப்பட்டது.

இதனால், இப்படத்தின் வெளியீட்டுக்காக காத்திருந்த பாலய்யா ரசிகர்கள் கடும் ஏமாற்றத்தைச் சந்தித்துள்ளனர்.

தயாரிப்பாளர் தரப்பில் ஏற்பட்ட நிதிச்சிக்கலால் இப்படத்தின் வெளியீட்டில் பிரச்னை ஏற்பட்டிருக்கலாம் எனத் தெரிகிறது.

இதையும் படிக்க: நிலா வெளிச்சத்தில் சில கொலைகள்... மம்மூட்டியின் களம்காவல் - திரை விமர்சனம்!