20 ஆண்டுகளுக்குப் பிறகு இசை ஆல்பத்தை வெளியிடும் வில் ஸ்மித்!

ஹாலிவுட் நடிகர் வில் ஸ்மித் தனது புதிய இசை ஆல்பத்தை அறிவித்துள்ளார்.

56 வயதாகும் வில் ஸ்மித் 'பேஸ்ட் ஆன் எ ட்ரூ ஸ்டோரி' என்ற புதிய ஆல்பத்தை உருவாக்கியுள்ளார்.

இந்தா ஆல்பம் வருகிற மார்ச்.28ஆம் தேதி வெளியாகவிருக்கிறது. இது கிட்டதட்ட 20 ஆண்டுகளுக்குப் பிறகு அவரது புதிய இசை ஆல்பம் வெளியாகிறது.

கடைசியாக 2005இல் ‘லாஸ்ட் அன்ட் பவுன்ட்’ என்ற ஆல்பத்தை வெளியிட்டிருந்தார்.

ஆஸ்கரில் சர்சை

1980இல் இருந்து இசை ஆல்பங்களை மற்றவர்களோடு இணைந்து உருவாகி வந்தார். பின்னர், 1997இல் தனித்து இசை ஆல்பங்களை வெளியிட்டு வருகிறார்.

மார்ச்.28இல் வெளிவரும் இந்த புதிய ஆல்பத்தில் 14 டிராக்குகள் உள்ளன. அதில் ஏற்கனவே வெளியான சில முக்கியமான பாடல்களும் அடங்கியுள்ளன.

தனது மனைவி குறித்து கிண்டல் செய்த கிறிஸ் ராக்கை ஆஸ்கர் விருது விழா மேடையில் சென்று அவரது கன்னத்தில் அறைந்தது மிகவும் விவாதத்துக்குள்ளானது.

ஆர்வமாக இருக்கும் வில் ஸ்மித்

கடைசியாக அவரது நடிப்பில் பேட் பாய்ஸ் படம் வெளியாகி சுமார் 400 மில்லியன் டாலர் வசூலீட்டியதும் குறிப்பிடத்தக்கது.

நக்கல்ஸ் என்ற இணையத்தொடரிலும் நடித்திருந்தார். இந்நிலையில் புதிய ஆல்பம் குறித்து வில் ஸ்மித் பேசியதாவது:

அதிகாரபூர்வமாக சொல்கிறேன். மார்ச்.28ஆம் தேதி 'பேஸ்ட் ஆன் எ ட்ரூ ஸ்டோரி' என்ற ஆல்பம் வெளியாகிறது.

2 வாரங்கள்! இப்போதே தேதியை சேமித்துக்கொள்ளுங்கள். சில காலமாக இதை உருவாக்கி வந்தேன். அதை உங்களுக்குக் காட்ட ஆர்வமாக இருக்கிறேன் என்றார்.