நடிகர் சந்தீப் கிஷனின் பிறந்த நாளை முன்னிட்டு ஜேசன் சஞ்சய் இயக்கும் படத்தின் படப்பிடிப்பு விடியோவை பகிர்ந்துள்ளனர்.
நடிகர் விஜய்யின் மகன் ஜேசன் சஞ்சய் தன் முதல் திரைப்படத்தை இயக்கி வருகிறார். லைகா மற்றும் ஜேஎஸ்ஜே மீடியா நிறுவனம் இணைந்து தயாரிக்கும் இப்படத்தில் நாயகனாக சந்தீப் கிஷன் நடிக்க தமன் இசையமைக்கிறார்.
ஆக்ஷன் பின்னணியில் உருவாகும் கதையின் படப்பிடிப்பு சில மாதங்களுக்கு முன் துவங்கி விறுவிறுப்பாக நடைபெற்று வருகிறது.
இந்த நிலையில், இன்று நடிகர் சந்தீப் கிஷனின் பிறந்த நாளை முன்னிட்டு தயாரிப்பு நிறுவனம் படப்பிடிப்பு விடியோவை பகிர்ந்துள்ளது.
இதில், ஜேசன் சஞ்சய் மற்றும் சந்தீப் ஆகியோர் விவாதிக்கும் காட்சிகள் ரசிகர்களிடம் எதிர்பார்ப்பை ஏற்படுத்தியுள்ளது.
இதையும் படிக்க: 10-ல் 5 கதை சூரிக்காகவே எழுதப்படுகிறது: லோகேஷ் கனகராஜ்