பாஜக கூட்டத்தில் பங்கேற்பா?: ராகுல் டிராவிட் பதில்

பாஜக இளைஞர் அணி சார்பில் நடைபெறும் கூட்டத்தில் பங்கேற்பதாக வெளியான செய்திகளுக்கு ராகுல் டிராவிட் பதிலளித்துள்ளார். 

பாஜக இளைஞர் அணியான யுவ மோர்ச்சா சார்பில் ஹிமாச்சலப் பிரதேசத்தின் தர்மசாலாவில் வரும் 12-ம் தேதி முதல் 15-ம் தேதி வரை தேசிய செயற்குழுக் கூட்டம் நடைபெறவுள்ளது. இந்தக் கூட்டத்தில் முன்னாள் வீரரும் இந்திய அணியின் பயிற்சியாளருமான ராகுல் டிராவிட் கலந்துகொண்டு இளைஞர்களுக்கு நல்ல கருத்துகளைக் கூறவுள்ளதாக தர்மசாலா சட்டப்பேரவை உறுப்பினர் விஷால் நெஹ்ரியா தகவல் தெரிவித்தார். 

இந்நிலையில் இந்தத் தகவலை ராகுல் டிராவிட் மறுத்துள்ளார். மே 12-15 தேதிகளில் ஹிமாச்சலப் பிரதேசத்தில் நடைபெறும் கூட்டத்தில் நான் பங்கேற்பதாக செய்தி வெளியாகியுள்ளது. அந்தச் செய்தி தவறு என ஏ.என்.ஐ. செய்தி நிறுவனத்துக்கு ராகுல் டிராவிட் பேட்டியளித்துள்ளார். 
 

மும்பை இந்தியன்ஸுக்கு மிக மோசமாக அமைந்த ஐபிஎல் 2022 போட்டி!

சிஎஸ்கே பிளேஆஃப்புக்குத் தகுதி பெற என்ன செய்யவேண்டும்?