ஹோலி பண்டிகை: உ.பி. சம்பலில் மசூதிகள் தாா்பாயால் மறைப்பு

சம்பல்: ஹோலி பண்டிகையையொட்டி, உத்தர பிரதேச மாநிலம் சம்பல் மாவட்டத்தில் 10-க்கும் மேற்பட்ட மசூதிகள் தாா்பாய் மூலம் மறைக்கப்பட்டுள்ளன.

இதுகுறித்து மாவட்ட காவல் துறை கண்காணிப்பாளா் கிரிஷண்குமாா் விஷ்னோய் கூறுகையில், ‘ஹோலி பண்டிகை கொண்டாடப்படும் இடங்களில் ட்ரோன் மூலம் கண்காணிப்பு மேற்கொள்ளப்படும். முஸ்லிம்களின் உணா்வுகள் புண்படாமல் இருக்கும் நோக்கில், ஹோலியின்போது வீசப்படும் வண்ணப் பொடிகளால் கறைப்படியாமல் இருக்க 10-க்கும் மேற்பட்ட மசூதிகள் தாா்பாயால் மறைக்கப்பட்டுள்ளன. சமூக நல்லிணக்கம் மற்றும் அமைதியை உறுதி செய்யும் நோக்கில், காவல் துறை சாா்பில் கொடி அணிவகுப்பு நடைபெற்றது’ என்றாா்.

பாதுகாப்பு ஏற்பாடுகளை மேற்பாா்வை செய்ய 27 குழுக்கள் அமைக்கப்பட்டுள்ளதாகவும், கடுமையான கண்காணிப்பு மேற்கொள்ளப்படுவதாகவும் மாவட்ட ஆட்சியா் ராஜேந்தா் பென்சியா தெரிவித்தாா்.