இன்று அதிரடியாக உயர்ந்த தங்கம் விலை: பவுனுக்கு எவ்வளவு உயர்ந்தது?

சென்னை: சென்னையில் ஆபரணத் தங்கத்தின் விலை சனிக்கிழமை அதிரடியாக பவுனுக்கு ரூ.320 உயர்ந்து ரூ.96,320-க்கு விற்பனையாகிறது.

கடந்த சில மாதங்களாக வரலாறு காணாத புதிய உச்சத்தை தொட்டிருக்கும் தங்கம் விலை, இந்த வாரத்தில் ஏற்ற இறக்கமாக இருந்து வந்தது.

சென்னையில் வியாழக்கிழமை பவுனுக்கு ரூ.320 குறைந்து ரூ.96,160-க்கு விற்பனையான நிலையில், வெள்ளிக்கிழமை விலை மீண்டும் குறைந்தது. அதன்படி, கிராம் ரூ.12,000-க்கும், பவுன் ரூ.96,000-க்கும் விற்பனையானது.

இந்த நிலையில், வாரத்தின் இறுதிநாளான சனிக்கிழமை தங்கம் விலை அதிரடியாக பவுனுக்கு ரூ.320 உயர்ந்துள்ளது. அதன்படி, கிராமுக்கு ரூ.40 உயர்ந்து ரூ.12,040-க்கும், பவுனுக்கு ரூ.320 உயர்ந்து ரூ.96,320-க்கும் விற்பனையாகிறது.

அதேபோல், வெள்ளி விலையும் கிராமுக்கு ரூ.3 உயர்ந்து ரூ.199-க்கும், ஒரு கிலோ (கட்டி வெள்ளி) ரூ.3,000 உயர்ந்து ரூ.1.99 லட்சத்துக்கும் விற்பனையாகிறது.