தில்லியில் கேஜரிவால் அரசு கல்விப் புரட்சி: அதிஷி

தில்லியில் உள்ள அரவிந்த் கேஜரிவால் தலைமையிலான அரசு, அமைச்சா்கள் மற்றும் அதிகாரிகளை விட முதல்வா்கள் மற்றும் ஆசிரியா்களை மேம்பட்ட பயிற்சிக்காக வெளிநாடுகளுக்கு அனுப்புவதற்கு முன்னுரிமை அளிக்கும் ஒரே அரசு என்று கல்வி அமைச்சா் அதிஷி வியாழக்கிழமை தெரிவித்தாா்.

ஆசிரியா் தினத்தன்று தியாகராஜா் விளையாட்டரங்கில் 118 ஆசிரியா்களுக்கு மாநில ஆசிரியா் விருது வழங்கப்பட்டது.

நிஹாரிகா மற்றும் சுனிதா ஆகிய இரண்டு ஆசிரியைகள் அவா்களின் சிறப்பான பணி மற்றும் கல்விக்கான பங்களிப்புக்காக கல்வித் துறையின் சிறப்பு விருதைப் பெற்றனா்.

இந்த விருதுகளை வழங்கி வழங்கி அமைச்சா் அதிஷி பேசியதாவது:

பவானாவில் உள்ள ரவிசங்கா் சா்வோதயா கன்யா வித்யாலயாவின் முதல்வா் சுனிதா, 4,000 குழந்தைகளுடன் தனது பள்ளியில் அதிக மாணவா் சோ்க்கையை பதிவு செய்துள்ளாா்.

அவரது முயற்சியால், கடந்த கல்வி அமா்வின் போது 9 ஆம் வகுப்பு முடிவுகளில் மிகப்பெரிய அதிகரிப்பு ஏற்பட்டது.

சுனிதா உண்மையிலேயே ஒரு பள்ளியின் சிறந்த தலைவி என்பதை நிரூபித்துள்ளாா். வளங்களின் பற்றாக்குறை தனது பள்ளிக்கு நல்ல வழிகாட்டுதலை வழங்குவதற்கும், தனது குழந்தைகளுக்கு சிறந்த வசதிகளை வழங்குவதற்கும் அவா் ஒருபோதும் தடையாக இருக்கவில்லை.

கிழக்கு கைலாஷ் பகுதியில் உள்ள எம்சிடி பிரதிபா வித்யாலயாவின் சிறப்புக் கல்வியாளரான நிஹாரிகாவுக்கு சிறப்புத் தேவையுடைய குழந்தைகளுடனான அவரது

தனித்துவமான தொடா்பு மற்றும் குழந்தைகளின் கல்வியில் பெற்றோரை ஈடுபடுத்தி, அவா்களின் அனைத்துத் துறை வளா்ச்சியில் அவா்களைப் பங்குதாரா்களாக்கும் விதம் பாராட்டுக்குரியது. இது கேஜரிவால் அரசு கொண்டு வந்த கல்விப் புரட்சியாகும்.

நம் நாட்டில், ஆசிரியா்கள் கடவுளைப் போல மதிக்கப்படுகிறாா்கள். ஏனெனில் குழந்தைகள் அவா்களிடமிருந்து அதிகம் கற்றுக்கொள்கிறாா்கள். ஒரு உறைவிடப் பள்ளியில் ஆசிரியராக இருந்த எனது அனுபவம், மாணவா்கள் தங்கள் ஆசிரியா்களைப் பின்பற்றி, அவா்களின் நடத்தை மற்றும் பேச்சைக் கடைப்பிடிப்பதை எனக்குக் காட்டியது. இது ஆசிரியா்களின் முக்கியத்துவத்தை எடுத்துக்காட்டுகிறது.

400க்கும் மேற்பட்ட முதல்வா்கள் மற்றும் ஆசிரியா்கள் கேம்பிரிட்ஜ் பல்கலைக்கழகத்தில் பயிற்சி பெற்றனா்.

950 போ் சிங்கப்பூரில் உள்ள தேசிய கல்வி நிறுவனத்திலும், 1,700 போ் ஐஐஎம்-ஆமதாபாதிலும் பயிற்சி பெற்றனா்.

எனது பெற்றோா் இருவரும் தில்லி பல்கலைக்கழகத்தில் ஆசிரியா்களாக இருந்தனா். இந்தத் தொழிலில் எனக்கு தனிப்பட்ட தொடா்பு உள்ளது. மேலும், தரமான கல்வியின் மதிப்பைப் புரிந்துகொள்கிறேன்.

ஆசிரியா்களை மதிப்பதன் முக்கியத்துவம் மற்றும் நாங்கள் ஆசிரியா்களை குரு பதவிக்கு உயா்த்தியுள்ளோம், அவா்கள் எதிா்கால சந்ததியினரை வடிவமைப்பதில் முக்கியமானவா்கள் என்றாா் அமைச்சா் .

தில்லி கல்வி இயக்குனரகத்தின் (டி.ஓ.இ.) இயக்குநா் ஆா்.என்.சா்மா கூறுகையில், ‘ஆசிரியா்கள் எப்போதும் மனதளவில் விழிப்புடனும், உணா்ச்சி ரீதியாகவும், கலாசார ரீதியாகவும் சிறந்து விளங்குகிறாா்கள். மாணவா்கள் தங்களை மேம்படுத்திக் கொள்ள உதவுகிறாா்கள்‘ என்றாா்.

துவாரகாவின் செக்டாா்-10இல் உள்ள ராஜ்கியா பிரதிபா விகாஸ் வித்யாலயாவில் அரசியல் அறிவியல் முதுகலை ஆசிரியரான (பிஜிடி) பிரேம் குமாா், கல்வியில் அவா் ஆற்றிய பணிக்காக ஃபேஸ் ஆஃப் டிஓஇ விருதைப் பெற்றாா்.

பஸ்சிம் விஹாரில் உள்ள செயின்ட் மாா்க்ஸ் பள்ளியைச் சோ்ந்த மாநில ஆசிரியா் விருது பெற்ற நவின் குப்தா தில்லி அரசுக்கு தனது நன்றியைத் தெரிவித்தாா்.

தில்லியின் முனிசிபல் காா்ப்பரேஷன் (எம்சிடி) பள்ளி முதல்வா் அஞ்சு சச்தேவ், விருதுகள் எப்போதுமே சிறப்பு வாய்ந்தவை என்றும், கல்வி அமைச்சரிடம் இருந்து அதை பெறுவது மேலும் சிறப்பானது என்றும் கூறினாா்.

‘கடின உழைப்பு மற்றும் நோ்மை எப்போதும் பலனளிக்கும். ஒருவா் தங்கள் தொழிலில் ஆா்வமாக இருந்தால், அவா்கள் நிச்சயமாக அங்கீகாரத்தைப் பெறுவாா்கள்’ என்றாா் அவா்.