வங்கதேச அணிக்காக டெஸ்ட் போட்டிகளில் 6000 ரன்களைக் கடந்த முதல் வீரர் என்ற சாதனையை முஷ்ஃபிகர் ரஹிம் படைத்துள்ளார்.
வங்கதேசம் மற்றும் தென்னாப்பிரிக்க அணிகளுக்கு இடையிலான முதல் டெஸ்ட் போட்டி டாக்காவில் நடைபெற்று வருகிறது. இந்தப் போட்டியில் முதல் இன்னிங்ஸில் வங்கதேசம் 106 ரன்களுக்கும், தென்னாப்பிரிக்க அணி 308 ரன்களுக்கும் ஆட்டமிழந்தது.
6000 ரன்கள் குவித்த முதல் வீரர்
வங்கதேச அணி அதன் இரண்டாவது இன்னிங்ஸில் விளையாடி வருகிறது. வங்கதேசம் இரண்டாம் நாள் ஆட்டநேர முடிவில் இரண்டாவது இன்னிங்ஸில் 3 விக்கெட்டுகளை இழந்து 101 ரன்கள் எடுத்துள்ளது. மஹ்மதுல் ஹாசன் ஜாய் 38 ரன்களுடனும், முஷ்ஃபிகர் ரஹிம் 31 ரன்களுடனும் களத்தில் உள்ளனர்.
இரண்டாவது இன்னிங்ஸில் 31 ரன்கள் எடுத்துள்ளதன் மூலம், வங்கதேச அணியின் மூத்த வீரர் முஷ்ஃபிகர் ரஹிம் புதிய சாதனை ஒன்றை படைத்துள்ளார். டெஸ்ட் போட்டிகளில் வங்கதேச அணிக்காக 6000 ரன்களைக் கடந்த வீரர் முதல் வீரர் என்ற சாதனையை அவர் படைத்துள்ளார்.
வங்கதேச அணிக்காக இதுவரை 93 டெஸ்ட் போட்டிகளில் விளையாடியுள்ள முஷ்ஃபிகர் ரஹிம் 6,003 ரன்கள் எடுத்துள்ளார். அதில் 11 சதங்கள், 3 இரட்டை சதங்கள் மற்றும் 27 அரைசதங்கள் அடங்கும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.