மீண்டும் ஒரு தலைசிறந்த கேட்ச்..! ஸ்டீவ் ஸ்மித்தின் விடியோ!

ஆஸி. டெஸ்ட் கேப்டன் ஸ்டீவ் ஸ்மித் மீண்டுமொரு அசத்தலான கேட்ச் பிடித்துள்ளார்.

இலங்கைக்கு எதிரான 2ஆவது டெஸ்ட்டில் முதல் இன்னிங்ஸில் 2 கேட்ச்சுகள் பிடித்ததன் மூலமாக 197 கேட்ச்சுகளுடன் ரிக்கி பாண்டிங்கை முந்தினார்.

தற்போது, 2ஆவது இன்னிங்ஸிலும் ஸ்லிப்பில் நின்று தலைசிறந்த ஒரு கேட்ச்சை பிடித்துள்ளார். வர்ணனையாளர்கள் மிகவும் பாராட்டி வருகிறார்கள்.

ஆஸி., கிரிக்கெட் ரசிகர்கள் இந்த விடியோவை பகிர்ந்து பாராட்டி வருகிறார்கள். இந்த விடியோ இணையத்தில் வைரலாகி வருகிறது.

டெஸ்ட்டில் அதிக கேட்ச்சுகளில் ஆஸி. வீரர்களில் முதலிடம் பிடித்த ஸ்டீவ் ஸ்மித் உலக அளவில் 5ஆவது இடத்தைப் பிடித்துள்ளார்.

3 கேட்ச்சுகளை தாண்டினால் 4ஆவது இடத்தையும் 13 கேட்ச்சுகளை தாண்டினால் முதல் இடத்தையும் பிடிக்க முடியும் என்பது குறிப்பிடத்தக்கது.

ஆஸி. வீரர்களில் டெஸ்ட்டில் அதிக கேட்ச்சுகள்

1. ஸ்டீவ் ஸ்மித் - 198

2. ரிக்கி பாண்டிங் - 196

3. மார்க் வாக் - 181

4. மார்க் டெய்லர் -157

5. ஆலன் பார்டர் - 156

உலக அளவில் டெஸ்ட்டில் அதிக கேட்ச்சுகள்

1. ராகுல் திராவிட் - 210

2. ஜோ ரூட் - 207

3. ஜெயவர்தனே - 205

4. ஜாக்ஸ் காலிஸ் -200

5. ஸ்டீவ் ஸ்மித் -198

6. ரிக்கி பாண்டிங் - 196