டாஸ் வென்ற மார்கன் பந்துவீச்சு தேர்வு: சென்னை பேட்டிங்

சென்னை சூப்பர் கிங்ஸுக்கு எதிரான ஆட்டத்தில் டாஸ் வென்ற கொல்கத்தா நைட் ரைடர்ஸ் முதலில் பந்துவீச்சைத் தேர்வு செய்துள்ளது.

14-வது ஐபிஎல் சீசனின் இன்றைய (புதன்கிழமை) இரண்டாவது ஆட்டத்தில் கொல்கத்தா நைட் ரைடர்ஸ், சென்னை சூப்பர் கிங்ஸ் அணிகள் விளையாடுகின்றன. இதில் டாஸ் வென்ற கொல்கத்தா கேப்டன் இயான் மார்கன் முதலில் பந்துவீச்சைத் தேர்வு செய்தார்.

கொல்கத்தாவில் இரண்டு மாற்றங்கள் செய்யப்பட்டுள்ளன. ஹர்பஜன் சிங் நீக்கப்பட்டு கம்லேஷ் நாகர்கோடி சேர்க்கப்பட்டுள்ளார். ஷகிப் அல் ஹசனுக்குப் பதில் சுனில் நரைன் களமிறங்குகிறார்.

சென்னையில் பிராவோவுக்குப் பதில் என்கிடி சேர்க்கப்பட்டுள்ளார்.