ஜெய்ஸ்வாலுக்கு முன்னாள் மேற்கிந்தியத் தீவுகள் வீரர் புகழாரம்!

ராஜஸ்தான் ராயல்ஸ் வீரர் யஷஸ்வி ஜெய்ஸ்வாலுக்கு முன்னாள் மேற்கிந்தியத் தீவுகள் வீரர் புகழாரம் சூட்டியுள்ளார்.
யஷஸ்வி ஜெய்ஸ்வால்
யஷஸ்வி ஜெய்ஸ்வால் படம் | ஐபிஎல்

ராஜஸ்தான் ராயல்ஸ் வீரர் யஷஸ்வி ஜெய்ஸ்வாலுக்கு முன்னாள் மேற்கிந்தியத் தீவுகள் வீரர் பிரையன் லாரா புகழாரம் சூட்டியுள்ளார்.

ஐபிஎல் தொடரில் ஜெய்பூரில் நடைபெற்ற நேற்றையப் போட்டியில் ராஜஸ்தான் ராயல்ஸ் மற்றும் மும்பை இந்தியன்ஸ் அணிகள் மோதின. இந்தப் போட்டியில் ராஜஸ்தான் ராயல்ஸ் 9 விக்கெட்டுகள் வித்தியாசத்தில் மும்பை இந்தியன்ஸை வீழ்த்தியது. இந்தப் போட்டியில் சிறப்பான ஆட்டத்தை வெளிப்படுத்திய யஷஸ்வி ஜெய்ஸ்வால் 60 பந்துகளில் 104 ரன்கள் எடுத்து அசத்தினார்.

யஷஸ்வி ஜெய்ஸ்வால்
டி20 உலகக் கோப்பைக்காக ஓய்வு முடிவை திரும்பப் பெறுகிறாரா? சுனில் நரைன் பதில்!

இந்த நிலையில், மும்பை இந்தியன்ஸுக்கு எதிரான போட்டியில் முதிர்ச்சியான ஆட்டத்தை வெளிப்படுத்தியதாக யஷஸ்வி ஜெய்ஸ்வாலுக்கு பிரையன் லாரா புகழாரம் சூட்டியுள்ளார்.

பிரையன் லாரா
பிரையன் லாரா

இது தொடர்பாக அவர் பேசியதாவது: மும்பை இந்தியன்ஸுக்கு எதிராக ஜெய்ஸ்வால் அருமையாக விளையாடினார். உண்மையில் அவர் அதிக நேரம் எடுத்துக் கொண்டு நேர்த்தியான ஆட்டத்தை வெளிப்படுத்தினார். அவர் அருமையான கிரிக்கெட்டிங் ஷாட்டுகளை விளையாடினார். அவர் முதிர்ச்சியான மற்றும் பொறுப்பான ஆட்டத்தை வெளிப்படுத்தினார். நீண்ட நாள்களுக்குப் பிறகு அவர் சிறப்பான ஆட்டத்தை வெளிப்படுத்தியது மிகுந்த மகிழ்ச்சியளிக்கிறது என்றார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com