ஆஸ்திரேலியாவை வீழ்த்துமா இந்தியா ?

சாம்பியன்ஸ் கோப்பை ஹாக்கி போட்டியில் உலக சாம்பியன் ஆஸ்திரேலியாவை வீழ்த்தும் முனைப்புடன் இந்திய ஆடவர் அணி உள்ளது. 
நெதர்லாந்தின் பிரெடா நகரில் நடந்து வரும் இப்போட்டியில் ஏற்கெனவே பரம வைரி பாகிஸ்தான், ஒலிம்பிக் சாம்பியன் ஆர்ஜென்டீனாவை வீழ்த்திய உற்சாகத்தோடு உள்ள இந்திய அணி, புதன்கிழமை வலுவான ஆஸி. அணியை எதிர்கொள்கிறது. கடந்த சாம்பியன் கோப்பை இறுதி ஆட்டத்தில் ஆஸியுடன் பெனால்டி ஷூட் அவுட்டில் தோல்வியடைந்தது இந்தியா. தற்போது ஆஸி. அணியை வீழ்த்த தயாராகி உள்ளது.
வியாழக்கிழமை பெல்ஜியத்துடனும், சனிக்கிழமை நெதர்லாந்துடனும் நடைபெறும் ஆட்டங்களில் இந்தியா மோதுகிறது.