கேன் வில்லியம்சனுக்கு இதுதான் திட்டம்: சிராஜ்
உலக டெஸ்ட் சாம்பியன்ஷிப் இறுதி ஆட்டத்தில் வாய்ப்பு கிடைத்தால் நியூசிலாந்து கேப்டன் கேன் வில்லியம்சனை விரக்தியடையச் செய்ய முயற்சிப்பேன் என முகமது சிராஜ் தெரிவித்துள்ளார்.


உலக டெஸ்ட் சாம்பியன்ஷிப் இறுதி ஆட்டத்தில் வாய்ப்பு கிடைத்தால் நியூசிலாந்து கேப்டன் கேன் வில்லியம்சனை விரக்தியடையச் செய்ய முயற்சிப்பேன் என இந்திய அணியின் வேகப்பந்துவீச்சாளர் முகமது சிராஜ் தெரிவித்துள்ளார்.
உலக டெஸ்ட் சாம்பியன்ஷிப் இறுதி ஆட்டத்தில் நியூசிலாந்தை எதிர்கொள்வதற்காக இந்திய கிரிக்கெட் அணி நாளை (புதன்கிழமை) இங்கிலாந்து புறப்படுகிறது. இந்த நிலையில், கேன் வில்லியம்சனுக்கு தான் வகுத்துள்ள திட்டம் குறித்து சிராஜ் தெரிவித்துள்ளார்.
சிராஜ் கூறியது:
"சோர்வடையாமல் குறிப்பிட்ட ஒரு இடத்தில் தொடர்ச்சியாக பந்துவீச முயற்சிப்பேன். கேன் வில்லியம்சனுக்கு நெருக்கடியை உண்டாக்க ரன் எடுக்க முடியாத அளவுக்கு பந்துவீசுவதில் கவனம் செலுத்துவேன். அது அவரை 'ஷாட்' ஆடத் தூண்டும். அப்போது அவர் ஆட்டமிழப்பதற்கு அதிக வாய்ப்பு உருவாகும்.
இங்கிலாந்தில் அதிகளவில் 'ஸ்விங்' ஆகும். எனவே, பேட்ஸ்மேன்கள் பந்துகளை முன்வந்து ஆட வைக்க முயற்சிப்பேன்.
இங்கிலாந்து புறப்படுவதற்கு முன்பு நாங்கள் தனிமைப்படுத்தப்பட்டோம். ஐபிஎல் ஒத்திவைக்கப்பட்ட பிறகு எவ்வித கிரிக்கெட் ஆட்டங்களிலும் நாங்கள் விளையாடவில்லை. ஆனால், நியூசிலாந்து எங்களுக்கு முன்பே இங்கிலாந்து சென்றடைந்து இங்கிலாந்துக்கு எதிராக டெஸ்ட் தொடரில் விளையாடுகிறது. எனவே, ஆட்டங்கள் மட்டுமின்றி இங்கிலாந்து சூழலுக்கு ஏற்பவும் ஒத்துப்போக அவர்களுக்கு கூடுதல் நேரம் கிடைக்கும்" என்றார் சிராஜ்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்


வீடியோக்கள்

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...