மேற்கிந்தியத் தீவுகள் அணி, பாகிஸ்தானுக்குச் சுற்றுப்பயணம் செய்து 3 டி20, 3 ஒருநாள் ஆட்டங்களில் விளையாடுகிறது. அனைத்து ஆட்டங்களும் கராச்சியில் நடைபெறுகின்றன.
முதல் டி20 ஆட்டத்தில் பாகிஸ்தான் அணி 63 ரன்கள் வித்தியாசத்தில் வென்றது.
2-வது டி20 ஆட்டத்தில் முதலில் பேட்டிங் செய்த பாகிஸ்தான் அணி 20 ஓவர்களில் 8 விக்கெட் இழப்புக்கு 172 ரன்கள் எடுத்தது. ரிஸ்வான் 38 ரன்கள் எடுத்தார். கடைசிக்கட்டத்தில் ஷதாப் கான், 12 பந்துகளில் 28 ரன்கள் எடுத்தார். இதன்பிறகு விளையாடிய மே.இ. தீவுகள் அணி, 20 ஓவர்களில் 163 ரன்களுக்கு அனைத்து விக்கெட்டுகளையும் இழந்து 9 ரன்கள் வித்தியாசத்தில் தோற்றது. ஷாஹீன் அப்ரிடி 3 விக்கெட்டுகளை வீழ்த்தினார். ஷதாப் கானுக்கு ஆட்ட நாயகன் விருது கிடைத்தது.
3 ஆட்டங்கள் கொண்ட டி20 தொடரை வென்ற பாகிஸ்தான் அணி 2-0 என முன்னிலை வகிக்கிறது.
3-வது டி20 ஆட்டம் நாளை நடைபெறுகிறது.