முதல் ஓவரிலேயே ‘சம்பவம்’ செய்த ஷாஹீன் அப்ரிடி

நியூசிலாந்துக்கு எதிரான அரையிறுதி ஆட்டத்தில் தொடக்க வீரர் ஃபின் ஆலனை முதல் ஓவரிலேயே வீழ்த்தினார் பாகிஸ்தான் வேகப்பந்து வீச்சாளர் ஷாஹீன் அப்ரிடி.

சிட்னியில் நடைபெறும் முதல் அரையிறுதியில் நியூசிலாந்து - பாகிஸ்தான் அணிகள் மோதுகின்றன. டாஸ் வென்று பேட்டிங்கைத் தேர்வு செய்துள்ளது நியூசிலாந்து அணி.  இரு அணிகளிலும் மாற்றம் எதுவுமில்லை. இந்த டி20 உலகக் கோப்பையில் சிட்னியில் முதலில் பேட்டிங் செய்த 6 அணிகளில் 5 அணிகளுக்கு வெற்றிகள் கிடைத்துள்ளன. இன்று மழை அறிகுறி எதுவும் இல்லாததால் பரபரப்பான ஆட்டத்தைக் காண ரசிகர்கள் ஆவலாக உள்ளார்கள். 

இந்நிலையில் நியூசிலாந்து அணியின் அதிரடி ஆட்டக்காரர் ஃபின் ஆலனை முதல் ஓவரிலேயே ஆட்டமிழக்கச் செய்தார் பாகிஸ்தான் வேகப்பந்து வீச்சாளர் ஷாஹீன் அப்ரிடி. முதல் பந்தில் பவுண்டரி அடித்தார் ஆலன். அடுத்தப் பந்தில் எல்பிடபிள்யூ முறையில் ஆட்டமிழந்ததாக நடுவர் அறிவித்தார். ஆனால் பந்து, பேட்டில் பட்டு பிறகு கால்காப்பில் பட்டதால் டிஆர்எஸ் முறையீட்டின் வழியாகத் தப்பித்தார் ஆலன். ஆனால் அடுத்தப் பந்திலும் எல்பிடபிள்யூ ஆனார் ஆலன். டிஆர்எஸ் முறையீடு இந்த முறை உதவவில்லை. இதனால் முதல் ஓவரிலே ஃபின் ஆலனை வீழ்த்தி பாகிஸ்தானுக்கு அருமையான தொடக்கத்தை அளித்துள்ளார் ஷாஹீன் அப்ரிடி.

டி20 தரவரிசை: முதலிடம் பிடித்த இலங்கை பந்துவீச்சாளர்!

கால்பந்து உலகக் கோப்பைப் போட்டியை கத்தாருக்கு வழங்கியது தவறு: ஃபிஃபா முன்னாள் தலைவர்

தினேஷ் கார்த்திக்கா, ரிஷப் பந்தா?: ரோஹித் சர்மா பதில்