இங்கிலாந்துக்கு எதிரான கடைசி 4 டி20 தொடர்களை வென்ற இந்திய அணி

இங்கிலாந்து அணிக்கு எதிராகக் கடைசியாக விளையாடிய 4 டி20 தொடர்களிலும் இந்திய அணி வெற்றி பெற்றுள்ளது.

இந்தியாவுக்கு எதிரான 3-வது டி20 ஆட்டத்தை இங்கிலாந்து அணி 17 ரன்கள் வித்தியாசத்தில் வென்றது. இந்திய அணி டி20 தொடரை 2-1 எனக் கைப்பற்றியுள்ளது.

நாட்டிங்கமில் நடைபெற்ற 3-வது டி20 ஆட்டத்தில் டாஸ் வென்று முதலில் பேட்டிங் செய்த இங்கிலாந்து அணி, 20 ஓவர்களில் 7 விக்கெட் இழப்புக்கு 215 ரன்கள் குவித்தது. மலான் 77, லிவிங்ஸ்டன் ஆட்டமிழக்காமல் 42 ரன்கள் எடுத்தார்கள். இந்திய அணி 20 ஓவர்களில் 9 விக்கெட் இழப்புக்கு 198 ரன்கள் எடுத்து 17 ரன்கள் வித்தியாசத்தில் தோல்வியடைந்தது. சூர்யகுமார் யாதவ் அற்புதமான ஷாட்களை வெளிப்படுத்தி சதமடித்தார். 55 பந்துகளில் 6 சிக்ஸர்கள், 14 பவுண்டரிகளுடன் 117 ரன்கள் எடுத்து ஆட்டமிழந்தார். டாப்லி 3 விக்கெட்டுகள் எடுத்து ஆட்ட நாயகன் விருதை வென்றார்.

டி20 தொடரை 2-1 என இந்திய அணி கைப்பற்றியுள்ளது. தொடர் நாயகன் விருதை புவனேஸ்வர் குமார் வென்றார். 3 ஆட்டங்கள் கொண்ட ஒருநாள் தொடர் நாளை முதல் தொடங்கவுள்ளது. 

இங்கிலாந்து அணிக்கு எதிராகக் கடைசியாக விளையாடிய 4 டி20 தொடர்களிலும் இந்திய அணி வெற்றி பெற்றுள்ளது.

இந்தியா vs இங்கிலாந்து: கடைசி 4 டி20 தொடர்கள் 

2017 - இந்தியாவில் நடைபெற்ற தொடரில் இந்தியா வெற்றி (2-1)
2018 - இங்கிலாந்தில் நடைபெற்ற தொடரில் இந்தியா வெற்றி (2-1)
2021 - இந்தியாவில் நடைபெற்ற தொடரில் இந்தியா வெற்றி (3-2)
2022 - இங்கிலாந்தில் நடைபெற்ற தொடரில் இந்தியா வெற்றி (2-1)

2017-லிருந்து இந்தியாவும் மே.இ. தீவுகளும் மட்டுமே டி20 தொடரில் இங்கிலாந்தைத் தோற்கடித்துள்ளன. 2017 மற்றும் இந்த வருடம் நடைபெற்ற டி20 தொடர்களில் இங்கிலாந்தை மே.இ. தீவுகள் அணி தோற்கடித்துள்ளது.

கங்குலி, சேவாக்கையே இந்திய அணியிலிருந்து நீக்கினார்கள்: வெங்கடேஷ் பிரசாத்

உலகக் கோப்பை: காலிறுதி வாய்ப்பை இழந்த இந்திய மகளிர் அணி

சண்டிமல் இரட்டைச் சதம்: முதல் இன்னிங்ஸில் 190 ரன்கள் இலங்கை முன்னிலை

கோலியின் பங்களிப்பை மறந்து விடக்கூடாது: ரோஹித் சர்மா

நூலிழையில் தோற்ற அயர்லாந்து: பிரேஸ்வெலின் சதத்தால் தப்பிப் பிழைத்த நியூசிலாந்து

வீணாகிய சூர்யகுமார் யாதவின் மகத்தான சதம்: ஹைலைட்ஸ் விடியோ