Enable Javscript for better performance
India’s squad for T20I series against West Indies announced- Dinamani

உடனுக்கு உடன் செய்திகள்

    மே.இ. தீவுகள் தொடர்: இந்திய டி20 அணியில் அஸ்வின்

    By DIN  |   Published On : 14th July 2022 03:23 PM  |   Last Updated : 14th July 2022 03:23 PM  |  அ+அ அ-  |  

    ashwin_PTI11_17_2021_000270Bxx

     

    இந்திய அணி இங்கிலாந்துக்குச் சுற்றுப்பயணம் செய்து ஒரு டெஸ்ட், 3 ஒருநாள், 3 டி20 ஆட்டங்களில் விளையாடுகிறது. அடுத்ததாக மேற்கிந்தியத் தீவுகளுக்குச் சுற்றுப்பயணம் செய்து 3 ஒருநாள், 5 டி20 ஆட்டங்களில் விளையாடுகிறது. 

    இந்நிலையில் மேற்கிந்தியத் தீவுகள் அணிக்கு எதிரான டி20 தொடரில் விளையாடவுள்ள இந்திய அணி இன்று அறிவிக்கப்பட்டுள்ளது.

    டி20 தொடரில் கோலி, பும்ரா, சஹால் ஆகியோர் ஓய்வு காரணமாக அணியில் இடம்பெறவில்லை. 18 பேர் கொண்ட அணிக்கு ரோஹித் சர்மா தலைமை தாங்குகிறார். காயம் காரணமாக இங்கிலாந்து தொடர்களில் இடம்பெறாத கே.எல். ராகுல் அணியில் மீண்டும் இடம்பிடித்துள்ளார்.

    கடந்த நவம்பருக்குப் பிறகு இந்திய டி20 அணியில் இடம்பெறாத தமிழகத்தைச் சேர்ந்த ஆர். அஸ்வின், மே.இ. தீவுகள் டி20 தொடருக்குத் தேர்வாகியுள்ளார். குல்தீப் யாதவ், ரவி பிஸ்னாய், அக்‌ஷர் படேல், ஜடேஜா ஆகிய சுழற்பந்து வீச்சாளர்களும் அணியில் உள்ளார்கள். மே.இ. தீவுகள் ஒருநாள் தொடரில் ஓய்வு அளிக்கப்பட்ட பாண்டியா, ரிஷப் பந்த் டி20 தொடருக்குத் தேர்வாகியுள்ளார்கள். அணியில் உம்ரான் மாலிக்குக்கு இடமில்லை. அவருக்குப் பதிலாக அர்ஷ்தீப் சிங் தேர்வாகியுள்ளார். ராகுலும் குல்தீப் யாதவும் தங்களுடைய உடற்தகுதியை நிரூபிக்கவேண்டும் என பிசிசிஐ அறிவித்துள்ளது. 

    மேற்கிந்தியத் தீவுகள் அணிக்கு எதிரான ஒருநாள் தொடர் ஜூலை 22 அன்றும் டி20 தொடர் ஜூலை 29 அன்றும் தொடங்குகின்றன. 

    இந்திய டி20 அணி

    ரோஹித் சர்மா (கேப்டன்), இஷான் கிஷன், கே.எல். ராகுல், சூர்யகுமார் யாதவ், தீபக் ஹூடா, ஷ்ரேயஸ் ஐயர், தினேஷ் கார்த்திக், ரிஷப் பந்த், பாண்டியா, ஜடேஜா, அக்‌ஷர் படேல், ஆர். அஸ்வின், ரவி பிஸ்னாய், குல்தீப் யாதவ், புவனேஸ்வர் குமார், அவேஷ் கான், ஹர்ஷல் படேல், அர்ஷ்தீப் சிங். 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp