இன்று தென்னாப்பிரிக்காவின் சிறந்த வேகப்பந்து வீச்சாளர் டேல் ஸ்டெயின் பிறந்தநாள். 2004ஆம் ஆண்டு இங்கிலாந்திற்கு எதிரான போட்டியில் தனது முதல் டெஸ்ட் போட்டியை ஆரம்பித்த ஸ்டெயின் 2019இல் டெஸ்டில் இருந்து ஓய்வு பெற்றார். 2021இல் அனைத்து விதமான கிரிக்கெட் போட்டிகளில் இருந்து ஓய்வு பெறுவதாக அறிவித்தார்.
இதையும் படிக்க: 304 ரன்கள் வித்தியாசத்தில் ஜிம்பாப்வே அணி வரலாற்று வெற்றி!
சச்சின், ரோஹித் முதற்கொண்டு பல முக்கியமான பேட்டர்களை இவரது பந்து வீச்சில் தடுமாறும் அளவுக்கு சிறப்பாக பந்து வீசக்கூடியவர் ஸ்டெயின்.
93 டெஸ்ட் போட்டிகளில் விளையாடிய ஸ்டெயின் 439 விக்கெட்டுகளை எடுத்துள்ளார். இதில் ஒருமுறை 7 விக்கெட்டுகளையும் எடுத்து அசத்தியுள்ளார். 2009 முதல் 2014 வரை டெஸ்ட் போட்டி தரவரிசையில் முதலிடம் பிடித்து சாதனை படைத்தவர் ஸ்டெயின்.
இன்று 40வது பிறந்தநாளை கொண்டாடும் ஸ்டெயினுக்கு கிரிக்கெட் ரசிகர்கள் அவரது விடியோக்களை பதிவிட்டு வாழ்த்து தெரிவித்து வருகின்றனர்.