இலங்கை ஒருநாள் தொடர்: இந்திய அணியில் பும்ரா சேர்ப்பு!

இலங்கைக்கு எதிரான ஒருநாள் தொடரில் விளையாடும் இந்திய அணியில் பிரபல வேகப்பந்து வீச்சாளர் பும்ரா சேர்க்கப்பட்டுள்ளார்.

29 வயது பும்ரா இந்தியாவுக்காக 30 டெஸ்டுகள், 72 ஒருநாள், 60 டி20 ஆட்டங்களில் விளையாடியுள்ளார். சமீபகாலமாகக் காயம், ஓய்வு போன்ற காரணங்களால் டி20 உலகக் கோப்பை உள்பட பல ஆட்டங்களில் அவர் விளையாடவில்லை. முதுகில் ஏற்பட்ட காயம் காரணமாகக் கடந்த செப்டம்பர் மாதத்துக்குப் பிறகு இந்திய அணியில் இடம்பெறாமல் இருந்தார்.

இந்நிலையில் பெங்களூரில் உள்ள நேஷனல் கிரிக்கெட் அகாதெமியில் சிகிச்சையும் பயிற்சியும் பெற்று வந்த பும்ரா, முழு உடற்தகுதியை அடைந்துள்ளார். இதையடுத்து இலங்கைக்கு எதிரான ஒருநாள் தொடரில் விளையாடும் இந்திய அணியில் பும்ரா சேர்க்கப்பட்டுள்ளார். இலங்கைக்கு எதிராக 10, 12, 15 தேதிகளில் ஒருநாள் ஆட்டங்களில் இந்திய அணி விளையாடவுள்ளது.

ஒருநாள் தொடருக்கான இந்திய அணி

ரோஹித் சர்மா (கேப்டன்), ஷுப்மன் கில், விராட் கோலி, சூர்யகுமார் யாதவ், ஷ்ரேயஸ் ஐயர், கே.எல். ராகுல் (விக்கெட் கீப்பர்), இஷான் கிஷன் (விக்கெட் கீப்பர்), பாண்டியா (துணை கேப்டன்), வாஷிங்டன் சுந்தர், சஹால், குல்தீப் யாதவ், அக்ஸர் படேல், பும்ரா, ஷமி, சிராஜ், உம்ரான் மாலிக், அர்ஷ்தீப் சிங். 

கடைசி விக்கெட்டுக்கு 104 ரன்கள்: பாகிஸ்தானை வெறுப்பேற்றிய நியூசி. ஜோடி!

ரஞ்சி கோப்பை: மும்பைக்கு எதிராக 144 ரன்களுக்கு ஆட்டமிழந்த தமிழ்நாடு

இந்திய கிரிக்கெட் அணியின் புத்தாண்டுச் சபதம்: ஹார்திக் பாண்டியா