நடிகர் அஜித் குமார் துணிவு படத்தைத் தொடர்ந்து விடாமுயற்சி படத்தில் நடித்து வருகிறார். படத்தின் படப்பிடிப்பு வேகமாக நடைபெற்று வருகிறது.
இந்நிலையில், இந்திய கிரிக்கெட் அணிக்காக விளையாடிய தமிழகத்தைச் சேர்ந்த வேகப் பந்துவீச்சாளர் நடராஜனின் பிறந்தநாள் கொண்டாட்டத்தில் அஜித் கலந்துகொண்டு கேக் ஊட்டி தன் வாழ்த்துகளைப் பகிர்ந்துகொண்டார்.
32 வயதாகும் நடராஜன், தற்போது ஐபிஎல்லில் சன் ரைசர்ஸ் ஹைதராபாத் அணிக்காக விளையாடி வருகிறார்.
சேலம் மாவட்டம் சின்னப்பம்பட்டி என்கிற கிராமத்தில் பிறந்து இந்திய கிரிக்கெட் அணி வரை சென்ற நடராஜன் பலருக்கும் உத்வேகம் அளித்து வருகிறார். இவரின், வாழ்க்கையைத் தழுவி திரைப்படம் எடுக்க நடிகர் சிவகார்த்திகேயன் திட்டமிட்டுள்ளதும் குறிப்பிடத்தக்கது!