ஜாஃபா், சஞ்ஜய் பங்களிப்பில் திருச்சி 124/9

கோவை: டிஎன்பிஎல் கிரிக்கெட் போட்டியின் 15-ஆவது ஆட்டத்தில், லைகா கோவை கிங்ஸுக்கு எதிராக திருச்சி கிராண்ட் சோழாஸ் 20 ஓவா்களில் 9 விக்கெட்டுகள் இழப்புக்கு 124 ரன்கள் சோ்த்தது.

முதலில் தடுாறிய திருச்சி அணியை, லோயா் மிடில் ஆா்டரில் வந்த சஞ்ஜய் யாதவ், ஜாஃபா் ஜமால் மீட்டெடுக்க, கோவை பௌலா்களில் ஷாருக் கான், முகமது ஆகியோா் அசத்தினா்.

கோவையில் செவ்வாய்க்கிழமை நடைபெற்ற இந்த ஆட்டத்தில், டாஸ் வென்ற கோவை அணி பந்துவீச்சை தோ்வு செய்தது. திருச்சி பேட்டிங்கில் அா்ஜுன் மூா்த்தி 3, வசீம் அகமது 2 பவுண்டரிகள், 1 சிக்ஸருடன் 17, கேப்டன் அந்தோணி தாஸ் 0, நிா்மல் குமாா் 3, ஷியாம் சுந்தா் 5, சரவண குமாா் 1 ரன்னுக்கு மிக விரைவாகவே வெளியேற்றப்பட்டனா்.

இதனால் திருச்சி 35 ரன்களுக்கே 6 விக்கெட்டுகளை இழந்து தடுமாறியது. அப்போது சஞ்ஜய் யாதவ் - ஜாஃபா் ஜமால் கூட்டணி 7-ஆவது விக்கெட்டுக்கு இணைந்து ஸ்கோரை உயா்த்தியது. 56 ரன்கள் சோ்த்த இந்த ஜோடியில் முதலில் சஞ்ஜய் ஆட்டமிழந்தாா்.

அவா் 1 பவுண்டரி, 3 சிக்ஸா்களுடன் 34 ரன்கள் அடித்திருந்தாா். பின்னா் வந்தோரில் ராஜ்குமாா் 1 சிக்ஸருடன் 8, எஸ்.பி. வினோத் 0 ரன்களுக்கு பெவிலியன் திரும்பினா். ஓவா்கள் முடிவில் ஜாஃபா் 28 பந்துகளில் 4 பவுண்டரிகள், 3 சிக்ஸா்கள் உள்பட 41, கண்ணன் விக்னேஷ் 0 ரன்களுடன் ஆட்டமிழக்காமல் இருந்தனா்.

கோவை தரப்பில் ஷாருக் கான், முகமது ஆகியோா் தலா 3 விக்கெட்டுகள் சாய்க்க, யுதீஸ்வரன், ஜதவேத் ஆகியோா் தலா 1 விக்கெட் எடுத்தனா்.

அடுத்து கோவை 125 ரன்களை வெற்றி இலக்காகக் கொண்டு தனது இன்னிங்ஸை விளையாடியது.