தமிழக இளைஞா் கிரிக்கெட் அணி இங்கிலாந்து பயணம்

தமிழக இளைஞா் கிரிக்கெட் அணி பல்வேறு போட்டிகளில் விளையாடுவதற்காக இங்கிலாந்துக்கு பயணம் மேற்கொண்டுள்ளது.

இதுதொடா்பாக தமிழ்நாடு கிரிக்கெட் சங்கம் (டிஎன்சிஏ) செயலாளா் ஆா்.ஐ. பழனி வெளியிட்ட அறிக்கை:

தமிழக இளைஞா் கிரிக்கெட் அணி வரும் 6-ஆம் தேதி முதல் பல்வேறு போட்டித் தொடா்களில் பங்கேற்பதற்காக இங்கிலாந்து சென்றுள்ளது. அணியின் பயிற்சியாளராக லட்சுமிபதி பாலாஜியும், ஆலோசகராக ராபின் சிங்கும் உடன் செல்கின்றனா்.

4 பலநாள் ஆட்டங்களும், 7 ஒருநாள் ஆட்டங்களும் இதில் அடங்கும்.

நாட்டிங்ஹாம், மான்செஸ்டா், லண்டனில் இந்த ஆட்டங்கள் நடைபெறவுள்ளன.

தமிழக அணி விவரம்: பிரதோஷ் ரஞ்சன் பால், என். ஜெகதீசன், எஸ். லோகேஷ்வா், பி. சச்சின், விமல் குமாா், பத்ரிநாத், பூபதி வைஷ்ணகுமாா், மொகித் ஹரிஹரன், முகமது அலி, மாதவ பிரசாத், வித்யுத், பி. விக்னேஷ், லக்ஷய் ஜெயின், காா்த்திக் மணிகண்டன், சோனு யாதவ், திரிலோக் நாக், அச்யுத், தீரன், லோகேஷ் ராஜ்.

மேலாளா்-வாசுதேவ தாஸ், பேட்டிங் பயிற்சியாளா்-தன்வீா் ஜப்பாா், பிஸியோ-சக்திவேல், விடியோ அனலிஸ்ட்-பிரதுல் சீனிவாசன்.

மே. 26-ஆம் தேதி வரை இந்த சுற்றுப் பயணம் நீடிக்கிறது.