செய்தி மடல்
இ-பேப்பர்
இராக் அணி 40 ஆண்டுகளுக்குப் பிறகு கால்பந்து உலகக் கோப்பையில் தகுதிபெறும் வாய்ப்புக்காக காத்திருக்கிறது.
இதனை முன்னிட்டு ஆஸ்திரேலியாவைச் சேர்ந்த கிரஹாம் அர்னால்டை தலைமைப் பயிற்சியாளராக இராக் நியமித்துள்ளது.
ஆஸ்திரேலியாவின் தேசிய அணிக்கு 6 ஆண்டுகளாக பயிற்சியாளராக இருந்த கிரஹாம் அர்னால்ட் அவரது தலைமையில் கடந்த 2022 உலகக் கோப்பையில் ரவுண்ட் ஆஃப் 16 சுற்றுக்குச் சென்றது.
அந்தச் சுற்றில் ஆர்ஜென்டீனாவுடன் ஆஸி. தோல்வியுற்றது. இறுதியில் ஆர்ஜென்டீனா கோப்பை வென்றது குறிப்பிடத்தக்கது.
இந்நிலையில், 2026 உலகக் கோப்பை ஆசிய தகுதிச் சுற்றில் குரூப் பி அணியில் இராக் அணி இருக்கிறது.
8 போட்டிகளில் 12 புள்ளிகளுடன் 3-ஆம் இடத்தில் உள்ள இராக் அணிக்கு அடுத்ததாக 2 போட்டிகள் உள்ளன. அதில் வென்றால் 2026 உலகக் கோப்பைக்கு தகுதி பெறலாம்.
இராக் அணிக்கு மீதமிருக்கும் இரண்டு போட்டிகளும் அந்தப் பட்டியலில் முதலிரண்டு இடத்தில் இருக்கும் அணிகளுடன் என்பது மிகுந்த சவால் அளிக்கக்கூடியதாக இருக்கிறது.
ஜூன் 5 இல் தென்கொரியாவுடனும் அடுத்த 5 நாள்களில் ஜோர்டான் அணியுடனும் இராக் மோதவிருக்கிறது.
கடைசியாக இராக் 1986இல் உலகக் கோப்பையில் விளையாடியது. தற்போது, 40 ஆண்டுகளுக்குப் பிறகு கால்பந்து உலகக் கோப்பையில் தகுதிபெறும் முனைப்பில் காத்திருக்கிறது.
âï¸ We are delighted to announce Graham Arnold as the new Head Coach of the Iraq National Team.
— Iraq National Team (@IraqNT_EN) May 9, 2025
Welcome to the Lions of Mesopotamia! ð®ð¶
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.