திராவிட இயக்க ஆராய்ச்சி மையத்தை செயல்படுத்த ஸ்டாலின் கோரிக்கை

சென்னை பல்கலைக்கழகத்தில் நிறுவப்பட்ட திராவிட இயக்க ஆராய்ச்சி மையம் முழு வீச்சில் செயல்படுவதற்கு அதிமுக அரசு உடனடியாக நடவடிக்கை எடுக்க வேண்டும் என்று திமுக செயல் தலைவர் மு.க.ஸ்டாலின் வலியுறுத்தியுள்ளார்.
இது தொடர்பாக திங்கள்கிழமை அவர் வெளியிட்ட அறிக்கை: திராவிட இயக்க வரலாறுகளை எதிர்காலத் தலைமுறையினருக்குக் கொண்டு சேர்க்கும் வகையில் இந்த மையம் தொடங்கப்பட்டது. எனவே, திராவிட இயக்க ஆராய்ச்சி மையம் முழு வீச்சில் செயல்படுவதற்கு முதல்வர் எடப்பாடி பழனிசாமி உடனடியாக நடவடிக்கை எடுக்க வேண்டும்.
வாழ்த்து: தமிழகக் காவல் துறையில் தருமபுரி மாவட்டத்தில் உதவி ஆய்வாளராகப் பொறுப்பேற்றிருக்கும் திருநங்கை பிரித்திகா யாசினிக்கு எனது மனமார்ந்த வாழ்த்துகள்.