மீண்டும் 34,000-ஐ தாண்டியது தங்கம் விலை 

சென்னை: சென்னையில் வியாழக்கிழமை ஆபரணத் தங்கத்தின் விலை சவரனுக்கு ரூ.168 உயா்ந்து, ரூ.34,064-க்கு விற்பனை செய்யப்படுகிறது.

கடந்த ஆண்டு ஆகஸ்ட் மாதத்தில் ஒரு சவரன் தங்கத்தின் விலை ரூ.43 ஆயிரத்தைத் தாண்டி வரலாறு காணாத உச்சத்தைத் தொட்டது. அதன்பிறகு, விலை படிப்படியாக குறைந்தது. கடந்த ஒருவாரத்துக்கு முன்பு, சவரன் தங்கம் ரூ.34 ஆயிரத்துக்கு கீழ் இறங்கியது. இதன்பிறகு, விலை ஏற்ற இறக்கமாக இருந்து வருகிறது.

இதன் தொடா்ச்சியாக, சென்னையில் வியாழக்கிழமை சவரனுக்கு ரூ.168 உயா்ந்து, ரூ.34,064-க்கு விற்பனை செய்யப்படுகிறது. ஒரு கிராம் தங்கம் விலை ரூ.21 உயா்ந்து, ரூ.4,258 ஆக உள்ளது. 

வெள்ளி விலை  90 காசுகள் உயர்ந்து ஒரு கிராம் வெள்ளி ரூ.72.50 ஆகவும், ஒரு கிலோ கட்டி வெள்ளி ரூ.72,500 ஆகவும் இருந்தது.

வியாழக்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்............................. 4,258

1 சவரன் தங்கம்...............................34,064

1 கிராம் வெள்ளி.............................72.50

1 கிலோ வெள்ளி.............................72,500.

புதன்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்............................. 4,237

1 பவுன் தங்கம்...............................33,896

1 கிராம் வெள்ளி.............................71.60

1 கிலோ வெள்ளி.............................71,600