அரசு உதவிச் செயலா் பெயரில் போலி கடிதம் தயாரித்து வி.ஐ.பி. பதிவெண் பெற முயன்ற இளைஞா் கைது

தென்காசி வட்டாரப் போக்குவரத்து அலுவலகத்தில் சென்னை அரசு உதவிச் செயலா் பெயரில் போலி கடிதம் தயாரித்து வி.ஐ.பி. பதிவெண் பெற முயன்றதாக இளைஞா் கைது செய்யப்பட்டாா்.

தென்காசி வட்டாரப் போக்குவரத்து அலுவலகத்தில் கணக்கராக பணிபுரிந்து வருபவா் வி. அருண் காந்தி. இவா் பணியில் இருந்தபோது, பச76 ஆம0001 என்ற முன்பதிவு செய்யப்பட்ட வாகன எண்ணிற்கு, சென்னை அரசு உதவிச் செயலரால் ஒதுக்கீடு செய்யப்பட்டதாகக் கூறப்படும் ஆணையைச் சமா்ப்பித்து, புளியறை மடத்தறையைச் சோ்ந்த லாரா பேசன்ஸ் என்பவரின் பெயரில் ஒருமுறை கடவுச்சொல் பெறப்பட்டு, ஆன்லைன் மூலமாக கட்டணம் செலுத்தப்பட்டுள்ளது.

இந்நிலையில், அதே எண்ணிற்கு கடையம் ஏ.ஆா். நகரைச் சோ்ந்த ஒரு நிறுவனத்திற்கு அரசு முறையாக ஒதுக்கீடு செய்த மற்றொரு ஆணையைச் சமா்ப்பித்து மீண்டும் விண்ணப்பிக்கப்பட்டுள்ளது.

இதையடுத்து, லாரா பேசன்ஸ் பெயரில் சமா்ப்பிக்கப்பட்ட முன்பதிவு எண் ஒதுக்கீட்டு ஆணை போலி என்பது அலுவலக விசாரணையில் தெரிய வந்தது.

இதுகுறித்து, வட்டாரப் போக்குவரத்து அலுவலா் சரவணபவன் தென்காசி காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து, திருநெல்வேலி மாவட்டம், பணகுடி, தெற்குத் தெருவைச் சோ்ந்த மு. முத்துப்பாண்டியை (31) திங்கள்கிழமை கைது செய்தனா்.

விசாரணையில், முத்துப்பாண்டி காா் ஷோரூமில் டீலராக பணியாற்றி வருவதும், புதிதாக காா் வாங்கிய நபருக்கு வி.ஐ.பி. பதிவெண் பெற்றுத் தருவதாகவும், அதற்கு ரூ. 20,000 வரை செலவு ஆகும் எனக் கூறி காா் உரிமையாளரிடம் பணம் பெற்றுக் கொண்டு, போலி ஆணை தயாரித்து வழங்கியதும் தெரிய வந்தது.