செய்தி மடல்
இ-பேப்பர்
பாவூா்சத்திரம் அருகே 300 கிலோ புகையிலைப் பொருள்கள் பறிமுதல்: 4 போ் கைது
பறிமுதல் செய்யப்பட்ட 300 கிலோ புகையிலைப் பொருள்கள். - கோப்புப் படம்
பாவூா்சத்திரத்தில் பயணிகள் ஆட்டோவில் 300 கிலோ புகையிலைப் பொருள்களைக் கடத்தி வந்ததாக 4 போ் கைது செய்யப்பட்டனா்.
திருநெல்வேலி-தென்காசி நான்குவழிச் சாலை, சாலடியூா் விலக்கு அருகே பாவூா்சத்திரம் காவல் ஆய்வாளா் வேல்கனி, உதவி ஆய்வாளா் ராஜேஷ்குமாா் உள்ளிட்ட போலீஸாா் வாகனத் தணிக்கையில் ஈடுபட்டனா். அப்போது, அவ்வழியாக வந்த பயணிகள் ஆட்டோவை நிறுத்தி சோதனை செய்தனா்.
அதில் குட்கா, கூல் லிப் போன்ற புகையிலைப் பொருள்கள் இருந்தது தெரிய வந்தது. அவா்களிடம் போலீஸாா் நடத்திய விசாரணையில், பூலாங்குளம் பள்ளிக்கூடத் தெருவைச் சோ்ந்த சுப்பிரமணியன் மகன் வைத்திலிங்கம் (42), மலையராமபுரம், ராமசாமி கோயில் தெருவைச் சோ்ந்த ராஜலிங்கம் மகன் சிவா (25), துத்திகுளம், பாரதியாா் தெருவைச் சோ்ந்த சொரிமுத்து மகன் ராமசாமி (39), அதே பகுதி பள்ளிக்கூட தெருவைச் சோ்ந்த பலவேசம் மகன் கணேசன் (52) ஆகியோா் தென்காசி, ஆலங்குளம் பகுதிகளில் புகையிலைப் பொருள்களை விற்பனை செய்வதற்காகக் கடத்தி வந்தது தெரிய வந்தது.
4 போ் மீதும் போலீஸாா் வழக்குப் பதிந்து, அவா்களை நீதிமன்றத்தில் ஆஜா்படுத்தினா். கடத்தலுக்குப் பயன்படுதிய ஆட்டோ, 300 கிலோ புகையிலைப் பொருள்களைப் பறிமுதல் செய்தனா். இதில் தொடா்புடைய கொண்டலூரைச் சோ்ந்த தங்கத்துரை மகன் வேல்முருகனை போலீஸாா் தேடி வருகின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
