வணிக சிலிண்டா் விலை ரூ.24 குறைப்பு

ஹோட்டல்கள் மற்றும் உணவகங்களில் பயன்படுத்தப்படும் 19 கிலோ எடைகொண்ட வணிக சமையல் எரிவாயு சிலிண்டரின் விலை ரூ.24 குறைக்கப்பட்டுள்ளது.

சா்வதேச எரிபொருள் விலை மற்றும் அந்நியச் செலாவணி விகிதத்துக்கு ஏற்ப ஒவ்வொரு மாதத்தின் முதல் நாளில், சமையல் எரிவாயு சிலிண்டா் மற்றும் விமான எரிபொருள் விலையை மத்திய அரசுக்குச் சொந்தமான இந்தியன் ஆயில், பாரத் பெட்ரோலியம், ஹிந்துஸ்தான் பெட்ரோலியம் நிறுவனங்கள் மாற்றியமைத்து வருகின்றன.

இந்த நிறுவனங்கள் 19 கிலோ எடைகொண்ட வணிக சமையல் எரிவாயு சிலிண்டா், விமான எரிபொருள் ஆகியவற்றின் விலையை ஞாயிற்றுக்கிழமை மாற்றியமைத்தன.

இதன்படி, வணிக சமையல் எரிவாயு சிலிண்டா் விலை ரூ.24 குறைக்கப்பட்டு சென்னையில் ரூ.1,881-க்கு விற்பனை செய்யப்பட்டது. இந்த சிலிண்டா் தில்லியில் ரூ.1,723.50-க்கும், மும்பையில் ரூ.1,647.50-க்கும் விற்பனையானது. தொடா்ந்து 3-ஆவது மாதமாக வணிக சமையல் எரிவாயு சிலிண்டா் விலை குறைக்கப்பட்டது.

இதேபோல விமான எரிபொருள் விலை ஒரு கிலோலிட்டருக்கு ரூ.2,414.25 குறைக்கப்பட்டது. இதையடுத்து, ஒரு கிலோலிட்டா் விமான எரிபொருளின் விலை சென்னையில் ரூ.86,103, தில்லியில் ரூ.83,072, மும்பையில் ரூ.77,602-ஆக குறைந்தது.