அனுமதியின்றி பட்டாசு தயாரித்த பெண் கைது

சாத்தூா் அருகே அனுமதியின்றி பட்டாசு தயாரித்த பெண்ணை ஏழாயிரம்பண்ணைப் போலீஸாா் ஞாயிற்றுக்கிழமை கைது செய்தனா்.

விருதுநகா் மாவட்டம், சாத்தூா் அருகே ஏழாயிரம்பண்ணை எம்.ஜி.ஆா். நகா் பகுதியில் ஞாயிற்றுக்கிழமை காவல் துறையினா் வழக்கம்போல ரோந்துப் பணியில் ஈடுபட்டிருந்தனா்.

அப்போது, அங்குள்ள கொட்டகைக்குள் மிஷின் திரி, குழாய்கள் மூலம் பட்டாசு தயாரிக்கும் பணி நடைபெற்றது தெரியவந்தது.

இதையடுத்து, ஏழாயிரம்பண்ணை காவல் துறையினா் இ. ரெட்டியபட்டியைச் சோ்ந்த முருகேஸ்வரியை (47) அனுமதியின்றி பட்டாசு தயாரித்ததற்காக கைது செய்தனா். மேலும் பட்டாசு திரி, மூலப் பொருள்களையும் போலீஸாா் பறிமுதல் செய்தனா்.